هلا اخوي أبن مصاول نعم الزوماله شىء متعارف علية عند قحطان العام الماضي ذهب الى تثليت مع زملاء في العمل لحظور زفاف احد زملائي وقفنا عند محطة نتجمع فيها قالوا يالله هذه القصيدة نبي نحفظها وهذا ماولها نبي نردد سواء قلت يالربع انا وش دخلنى انتم هاذى عادتكم قالوا مافية مطيري الا انت وبتسويها معنا غصب يبي يورطونى قلت وربي حلقي ما راح ينطق بكلمة وحدة فكوني قالوا مافيها تردد معنا يعني تردد المهم دخلت معهم ماتشوف الا فمي يفتح ويسكر بدون صوت على الصامت قالوا عانيتنا سواء قلت لا عاد معصي في هاذى مو من طبعنا احطها بضرف واكتب اسمى عاداتكم ماتمشىء علي حتى لو كنت بديرتكم قالوا حنا اهل السلوم المتعبة قلت تتعبكم انتم مالى دخل فيها الله يذكرهم بالخير بيني وبينهم مشاحنات بس من ميانة والله ونعم المعرفة
ونعم بقحطان اصدقاء بيني وبينهم صداقة ومعزة وخوة