القى سيف شبابه القبض على سفر الدغيلبي ووصفه باالثرثار المهايطي بعد تهربه لمدة سنتين تقريباً بعد موال الاركيه وكان ذالك في مكه المكرمه بقصر الاماكن وذالك بعد ان قال سفر الدغيلبي نحن لا نفهم ماذا تقولون انت وعبد الله الميزاني ورد عليه عبد الحميد الفهمي (اتركو الوجبات السريعه والكلام المستهلك وتعلمو الشعر منا ) وبعد ان لعب سفر مع محمد السناني وبدا ببيت يقول فيه
ماجيت ادور لشعار التصاويت ==اخصومي اثنين راشد والسناني
وقام عبد الحميد بعد نهاية القاف وطلب سفر واليكم المحاوره

عبدالحميد الفهمي
هذي السنه ياسفر عنتك الاسفار== تمسي مدينه وتصبح في مدينه
في بعض الاحوال ماينفعك معذار == والرجل نفسه بما تكسب رهينه



سفر الدغيلبي
ياجار لاتزعج الجيران ياجار == حزنت قلبي بنبرتك الحزينه
عذروب عبدالحميد ايدينه اقصار== والله مطول يديني عن يدينه


عبدالحميد الفهمي
مرت عليك الطراقي وانت مرار== عينه عليها العيون الله يعينه
ضاقت شبابه من العلم الذي صار== يوم الفرح في هذيل وفي جهينه


سفر الدغيلبي
وشلون اكبر عبادً خلقو اصغار== واحدهم اصباعي اكبر من جبينه
لوجيتنا في ضواحي نجد زوار== والله لندفنك في حيد الدفينه


عبدالحميد الفهمي
ثرثار ومهايطي ماياخذ الثار== مايوجد مقارنه بيني وبينه
تراك طابور خامس لافت انظار== والغبن مقسمك يامال الغبينه


سفر الدغيلبي
والله مافيك حيل اكويك بالنار== اخير حل اعجنك مثل العجينه
الحادث الي معك ماسبب اضرار == دقشه في ديترك مادري في المكينه


عبدالحميد الفهمي


عند القصير من العتبان قصار== والسمن خلا علابيهم سمينه
لو كانت الناس ماتدري بالاسرار== علامة المودماني في جبينه


سفر الدغيلبي
عند القصير رجالاً كفو واحرار== والبنقلادش زعيمتهم حسينه
أهب يالفهمي الي تسكن الغار== هرجتك شينه مثل خلقتك شينه


عبدالحميد الفهمي
أظن رزقك تجره شقة ايجار== وأهل حويته ولبخه عارفينه
الأدمي يبلغ الاقمار بأقمار== وأصله من الطين واصله من مهينه



سفر الدغيلبي
حنا شبابه وهذا مزح شعار== والمزح مشروع والأخلاق زينه