بسم الله الرحمن الرحيم
السلام عليكم ورحمه الله وبركاته
المؤشر العام
أقام المؤشر العام حفله بمناسبه الهيكله الجديده وكان على راس الحضور الاسهم القياديه يتقدمهم بنك الانماء بحلته الجديده
قام المؤشر العام بألقاء خطبته العصماء أمام الحفل الكريم
تطرق خلالها إلى الدور البارز الذي قامت به هيئه سوق المال خلال الفتره الماضيه من تعميق السوق وحشوه بالأسهم الجديده وكما أشاد بالجهود المبذوله
بعد الخطبه ذهب المؤشر العام يجوب الصاله للترحيب بالضيوف وأستقبالهم ,,
مر جنب سابك
المؤشر العام : كيفك ياسبوووكه وكيف حال البزوره إن شاء الله طيبين
سبوووكه : الحمد لله ياسيدي طيبين ويقبلوا الأيادي
المؤشر العام : فين الزخم المعهود منك في القياده وسحب الشركات لفوق
سبوووكه : راحت علينا عجزنا والبركه في الجيل الجديد
المؤشر العام : ماني مصدق أنك بتسلمي الرايه بسهوله طلعي المخفي تراني ستر وغطاء وكأني ماسمعت
سبوووكه : الله يقطع أبليسك من عرفتك وأنت كذاب وماتصدق تسمع الاشاعه الا والكل دري فيها
المؤشر العام : يتصبب العرق منه ( شايف التويجري قادم نحوه ) خاف يسمع كلام سبوووكه ,, وهو مرتبك يقول ,, طيب طيب حلليني بروح أسلم على واحد
المؤشر العام أتخذ طريقا معاكسا ليبتعد عن طريق التويجري وأتجه نحو المصارف ,,,
مر جنب الراجحي
المؤشر العام : هلا وغلا أبو رويجح كيفك يالغالي
الراجحي : الحمد لله يامؤشرنا الغالي
المؤشر العام : أقول وش فيكم راكدين هاليومين عسى ما شر
الراجحي : أبد بس زي ماتقول أعمامنا حابين الهدؤ هاليومين مع أزمه الأئتمان الأمريكيه
المؤشر العام : أهاااا علينا يا بوشباب ,, ترى طابخينها سوى بلا أئتمان بلا بطيخ ,,, أقووول الله يرحم التدوير بس
الراجحي : أقووول ضف وجهك بس لا أسحب لك القطاع تحت وأوريك لون الكتشب الطبيعي
المؤشر العام : عارفك سفاح تسويها ,, رحم الله مقاتيلك ,, باي يا قيادي قال أستثمار ,, يا عمي حل ,, ها ها ها ها
واصل المؤشر العام ترحيبه بالضيوف ومر في طريقه بأتجاه قطاع الأتصالات
المؤشر العام : مساء قطاف وخدمه موجود على باهيه الخدود
الأتصالات : هلا مؤشرنا العزيز خجلتني والله بحفاوه ترحيبك
المؤشر العام : صدقتك والله ,, وراء ماخجلتي من نفسك وانتي قاعده عند الستينات ,, قال شركه عوائد ,,, أحس أنك من جنبها
الأتصالات : أفااا والله ,, ما هقيتها منك ,, أنت بس أصبر قليل ,, الحين هرمس قيمتني فوق 100 وبتشوف الخير ,,
المؤشر العام : إيه هرمس ,, ( يهمس في نفسه ,, يبون يصرفون ويعلقون المساكين فوق ) ممتاز جدا ,, عن أذنك أسلم على الكهرباء
المؤشر العام أتجه إلى الكهرباء
المؤشر العام : حي الله بنور المؤشر كيفك
الكهرباء : الحمد لله يامؤشرنا من قاع الى قاع وياقلب لا تحزن
المؤشر العام : وش فيك راكده فين صولاتك وجولاتك
الكهرباء : مايبون العجائز خلاص يبون الصغار مع أننا نعطيهم عوائد
المؤشر العام : أي عوائد الله يرحم والديك ,,, يبون قفزات سعريه مايحبون الركده ,,, (يهمس في نفسه ,,, قال إيش عوائد ,, ياشيخه أنقلعي ,, حقهم يشوتونك ظفر أنتي وعوايدك معطتهم 70 هلله وعلى بالها دبلوا ,, كككككك)
أتجه إلى قطاع التأمينات
المؤشر العام : السلام عليكم ياحلوين يا حبايب عمو
قطاع التأمين : ردوا بصوت جماعي (وعليكم السلام ورحمه الله وبركاته )
أهلا وسهلا بالمؤشر العام هلت تباشير الخير بطلتك علينا وغنت العصافير بأعذب الألحان وتفتحت أزهار النرجس وعبق عطرها الفواح بقدومك
يتقدم ميدغلف ليتولى الكلام عن الجميع
ميد غلف : هلا وغلا مؤشرنا الغالي كيف صحتك يقولون مأخذ برد
المؤشر العام : هلا والله صاحب النسبه الذهبيه وش اللي طرأ عليك قفزت من نومك مره واحده
ميد غلف : والله كنت مضغوووط للتجميع من فتره وأعمامي ما يبون أحد يدري
المؤشرالعام : كككك مضغوط وإلا مندي ,,, أمزح معاك ,,, المهم أنك بيضت الوجه
ميدغلف : أبشر باللي يرضيك ,, بس أنت تكون راضي علينا
المؤشر العام : أكيد ما يبي لها كلام روح نسب ولا تخاف ما أراح أتأثر لو يقفل كل القطاع نسبه ما دريت فيكم
ميد غلف : بسألك سؤال ؟ متى بيحتسبوا زين وبنك الأنماء بالمؤشر
المؤشر العام : وأنت وشو اللي ملقفك خليك في نسبتك بس وماعليك في الكبار ,,, بااااي
انهى المؤشر العام جولته وطلب من الخشاش تقديم سفره الطعام للضيوف
وكان على السفره مالذ وطاب من الأطعمه والعصائر والحلويات
بعد العشاء تقدمت المطربه صافولا للغناء يرافقها الموسيقار الكبير أميانتيت
وكان متعهد الحفله الزامل حيث قام بالترتيبات اللازمه للحفله
وأصطفت الزراعيات للرقص التقليدي ,,
وأستغربت الخواجات من ذلك الرقص حيث ان الفرنسيه والهنديه قامتا بتصوير الحفل لاخراجه في فيلم وثائقي يتضمن جميع الحقوق
بعد الحفل بدأ القوم يتفرقون معلنين نهايه الأمسيه الجميله
التقى كل من سابك و الراجحي والاتصالات والكهرباء في نهايه الحفل
واجتمعوا حول طاوله للتشاور وكان المؤشر العام اختبئ خلف الستار بالقرب من الطاوله
سمع القوم يتكلمون ويدور الحوار بينهم
سابك : وش الدبره في الانماء تراه بيسحب البساط من تحتنا
الاتصالات : سبوكه اثقلي ترانا حنا القدام واعمامنا ما يرضون الانماء يسيطر على المؤشر
الراجحي : لو أجتمعنا على كلمه واحده صدقوني ما راح يأكل عيش
الكهرباء : والله من عرفتك وأنت أهبل هذا وأنت من المصارف وهو منكم المفروض تكون فاهم الطبخه
الراجحي : يرد على الكهرباء ,,, أصلا أنتي ميته دماغيا ومهجدينك من زمان ,, لو فيك خير كانك عند 20
سابك : أقول أهجدوا أنت وإياها بلا هبااال خلونا نخرج بحل
الأتصالات : وش رايكم لو نخليهم في حيره ونلعب عليهم ونتبادل الأدوار ونمشي المؤشر في مسار عرضي
الكهرباء : إيه والله هذا أحسن حل خلنا نؤذبهم ونعيد أمجادنا ونرعبهم باللعب على المؤشر
الراجحي : والله خوووش فكره ,,, نقووول تم
الكل أتفق على هذه الفكره وتفرقوا
المؤشر العام يذهب إلى مكتبه ويمسك التيلفون ويتصل على الهوامير
المؤشر العام : الووو ,, عمي كيفك
الهامور : الحمد لله وش عندك مصحيني من نومي
المؤشر العام : أقول عمي ترى الجماعه قيادي المؤشر القدامى عندي وسمعتهم يتفقون ,,,
الهامور : على وشوو أتفقوا
المؤشر العام : بقولك أبشر ياعمي ,, لكن ,,,
الهامور : فهمتك ,,, أبشر الشيك يكون على مكتبك بكره
المؤشر العام : الله لا يحرمني منك ومن خويانك ترى أمانه بلغهم سلامي ,,,
الهامور : يوصل ,, هات الخبر بسرعه أحسن ركبي بدأت تتصافق
المؤشر العام : الجماعه أتفقوا على أنهم يتبادلوا الأدوار ويجعلوني أسير في مسار أفقي ومو ناوين يرفعوني بسرعه مثل ما أنتم فاكرين
الهامور : أجل خليهم بكيفهم وأحنا بنلعب في شركاتنا وما علينا منهم وأصلا الهيكله الجديده بتسهل علينا ,, ومسارهم بينفعنا على الأقل ما فيه أحد بيشعر فينا ,,, سلام
المؤشر العام : منتظر مرسولك بكره قبل الأفتتاح على المكتب
الهامور : الله يقطعك ,, زي المنشار طالع واكل ونازل واكل ,,, مع السلامه
المؤشر العام : مع السلامه ,,, يقولها بخبث ولعابه يسيل على السماعه
الموضوع شد اعجابي وفيه نوع من الترفيه عن النفس لذلك قمت بنقله