اسعد الله أوقاتكم بكل خير
الحب لاجل عيونك السـود مخلـوق
والقـاف ياروحـي عشانـك بنيتـه
أعيش فيك العمـر ياغايـة الشـوق
والقلـب شريانـه بحبـك رويـتـه
من قو عشقك شفت كل البني عـوق
سحرك تمكن ليـن شوفـي عميتـه
شفت الزهر مع طلعة الشمس بشروق
يقـول شفنـي نابتـن عنـد بيتـه
الحسن والتقديـر والطيـب والـذوق
معها الـدلال اللـي بطبعـك رأيتـه
فيك الحلا والليـن والقـد ممشـوق
كل الجمـال اللـي نشوفـه حويتـه
اقول لـك جملـه ولانـي بمسبـوق
ماينتهي حبـك وانـا اللـي بديتـه
تكفينـي الاشعـار لاسقتهـا سـوق
تصـوّر احساسـي معـك لاحكيتـه
شعر :يوسف بن غالب العضيله
(تم تغيير لون الخط وتمنع الكتابه باللون الاحمر)