عبدالله الميزاني

ابو تركي نحبه حب فالله
احلف انه على انه من جدودي
كبنه ياخذ اللقمه بيمناه
يحد ولا عليه من الحدودي
مستور العصيمي

يا عبدالله ترا الخافي عرفناه
لكل الناس ما ابين سدودي
ليا راحت مراح مقيط ورشاه
افكر فالصدور وفالورودي

عبدالله

انا مرضا بعلم الا انت ترضاه
من اول عاد لين اخر ثمودي
يقولون الكفوف من المكافاه
وانا اقول العدد غير العدودي


مستور

ترا كل ٍ بوسمه فوق علباه
عليها واوجودك بالوجودي
ابا احط الك حد ولا تعداه
يسر البال ويغيظ الحسودي

عبدالله

والا يا موت كبه ما انت وياه
هذا مستور مسلم لا يهودي
نعرفه معتبر كنا سمعناه
يجود ولا يجود الا بجودي

مستور
ليا دورت للمفقود تلقاه
عسى هاك الليالي ما تعودي
نهار العيد رحتوا من ضحاياه
نشب النار من روس الزنودي

عبدالله

ابو تركي للا شعره ومعناه
نوديه الحضارم والزيودي
حياته كنها تضحك محياه
ولا يا عود ما مستور عودي

مستور

ليا مني عطيتك علم تنساه
عيالك وين يالذيب الرقودي
ترا الرجال ما يضمن خطاياه
سقاك الغيث من نو ٍ يقودي

عبدالله

بلاي اللي تعله ما تعلاه
وجودي يالعصيمي ياوجودي