هذه القصيده في شخص عزيز علي ومهما سويت فيه من القصائد لن ارد عليه بعض الشي من معاريفه
علي وهوالبناخي العزيزمطر محمد الرويس ويستاهل اكثر من قصيده
يابو محمد مالها عنك مجناب=وانته جمل لاحمل الحمل شاله
وخالك بوجهه قفلت كل الابواب=وذكرت من يفزع ويذكر خواله
مطر مطر من يمه الضن مخاب=راع الصخا والمرجله والشكاله
ماصك دون الضيف مزلاجة الباب=لعل مايبكون راسه عياله
له سمعتن عند الجماعه والاجناب=اليا اذكروا طاريه صيته لحاله
اقولها ماني منافق وكذاب= ولاني مدور من وراها جماله
والمدح يصلح في عريبين الانساب=اللي معرب بين عمه وخاله
مثل مطر فكاك شرباك الانشاب=اللي على الطاله طويله حباله
اليا نصاه اللي من الوقت منصاب=دونه وقف بالحال ولا بماله
وبالمختصر يفداه ابو زيد وذياب=ويفداه من عني بخل باتصاله
ويفداه من عدا على كل مرقاب=ويفداه من يصبح على الربع عاله
تمت وصلى الله على خير الاصحاب =على الرسول اللي صدق بالرساله