:: قلـــــــــــب العنــــــــى ::
كُتب : [ 18 - 06 - 10
- 03:15 PM ]
قلب العنى عاصي وعيـا لايطيـع
لوكثـرو العـذال عيـا ينتـهـي
يقول انا ابن الريف والبدو النجيع
اللي مواردهم على العـد الرهـي
اليا بغيت اسج وادلـه مااستطيـع
وشلون بسلى عنك ياالوجهه البهي
اسهر مع طيفك وخلق الله هجيـع
لاغطو الخالين ..انا معك التهـي
طيفك يشاغبني وقلبي لـه مطيـع
الزول زولك والتهي..هي التهـي
كنك تهمس بصوتك العذب الفضيع
وافز لك لبيه..بالطـرف السهـي
انت ابخص بخلك ومنزلك الرفيـع
يحـق لـك مالاسـواك وتزتهـي
يافرحت ايامـي ويازهـرة ربيـع
كل الجوارح في حضورك تبتهـي
شاعر واهيم بمحتواك بكـل ريـع
وماجت لي الدنيا على ابو ماشتهي
للشاعر/ محمد الرخيمي
|