تحضرو ياعتيبه للبعث والنشور=واصحو بعد موتكم من بعثكم للحياه
قومٍ فسطح الثرى تبكيكم اهل القبور=ميتكم الحي ميتكم يصلي علاه

حنا ترانا بخير ولا علينا قصور=الحمد لله في نعمه وخير وغناه
خليف مسموح لو انه يلف ويدور=ما ينوخذ شايبٍ ثالث رجوله عصاه

العام جبتو لنا درزن بنيات حور=حمى العذارى عوانس ماعليهن زكاه
انزل ديار الحياء وجني جديد الزهور=عين الفقر ناظره في باب بيت الغناه

نهدي لك اللي مضاربها تفج النحور=هذاه قسمك ومن دور لشيٍ لقاه
حنا ترانا يابو طارق نعرف الامور=اللي يقدم كراب الكف يعطى ملاه

بس القنابل تفاجر والبنادق تثور=ماكنها الا حصاهٍ نازيه عن صفاه
امحنيات الركب ماني عليها صبور=نعط الولاء للولي وانته عليك القراه

اسبح وحنا نحول مظلمات البحور=ياما سبحنا محيطٍ يغرق السفن ماه
ياخليف ياخليف داور عملةٍ ماتبور=اخير من كلمتٍ تزعل هذاك وهذاه

قبلك سليمان بن داؤود يتلا الزبور=يسجد له الطير وهوه عالين في سماه
العام الاول مشره في سنام الجزور=واليوم ليتك تمرق من مرقت الدباه

اعرف سليمان يعرف وش تقول الطيور=حتى إن هدهد سبأ نبأ وفسر نباه
العز ياخليف قسمي من قديم العصور=يوم إن بعض الاوادم مايحصل عشاه

وان كان تبغى العشاء لمبرقعات الطيور=يبقى على برقعه ولا تكشف غطاه
الماء على حالته طاهر ونجس وطهور=والصالح الصالح اللي معتبر للصلاه