غــــــــــــرورك

البارحة كل الدفاتر مواني= يوم اصطفق موج الغلا والتفاكير
قلت استريح شوي ليله عساني = من تاني ابحر لاارجهن المعاذير
يوم الغلا ورد وقصايد واغاني = جيت اكتبلك لو مانصفتك التعابير
ماهو بـ انا من يعذر اللي جفاني = لكن معاك مقصر كثير وكثير
ادري تعاني في غيابي تعاني = وانك تموت من الوله حيل وتغير
احيان اقول ان المعاند حداني = عن جيتك .. واحيان عذر الجفا غير
لو مانسيتك كان قلبك نساني = اعرفك زين اليا ازعلتك المقادير
ان جيت اسافر عن هواك يعصاني = قلب تكبر مايطيق المشاوير
ماهي غريبة يغربن الاماني = وانت بغرورك تاخذ الشمس وتطير
بس الغريبه ليه صرت التهاني = بقلوب من ساقوا علي التباشير
حسادي اللي لو نسيتك ثواني = صاروا من الفرحة صفوف وشواعير
والملعبة تحلى لترف الغواني= حتى انت ماتسلم فدتك الغنادير
والله مادري وين قلبي خذاني = لكن تعال وخل عنك المعاذير

القصيدة للشاعر الرائع : نايف الرشيدي
منـــــــــقووووول