أشكرك أخوي سلطان على هذا الموضوع الجميل عن القهوة العربيه ولي مداخلات وهي:
اقتباس:
فرد عليه الشاعر حنيف بن سعيدان المطيري وقال
لا تحسبني من دلالـك تقهويـت
قللت في طبخهـا وكثـرت ماهـا
ياموصي الحرمه على صكت البيت
تقول منتـه فيـه وانتـه وراهـا
|
هو يقول:
لا تحسبني من دلالك تقهويت=ماينقه الضرمان من كثر ماها
وفي قوله في أدواة القهوه:
اقتباس:
البيق
وهو تمسك به الدلة إن كانت حارة
|
هو يقصد
البيز ولا يعرف له في نجد ولا في الشرقية غيره فمن أين اتى بالبيق؟؟؟
اقتباس:
ويقول احد الشعراء
الدله اللي ماتبهر من الهيـل=مثل العجوز اللي خبيثاً نسمها
|
للشاعر عجران بن شرفي السبيعي وقصتها معروفه مع فجحان الفراوي
وفي قوله:
اقتباس:
امل الوجار وخلو الباب مفتوح
خوف المسير يستحي ماينادي
يانمر مافي صكة الباب مصلوح
ولاهي لهلكم يامظنـة فـؤادي
|
هو قلب الأبيات التي أنتشرت مع الناس مثل إنتشار النار في الهشيم وغلط فيها أيضاً وهي للشاعر الكبير محمد بن شلاح رحمه الله يقول:
يانمر مافي صكة الباب مصلوح= ولاهي بلنا يامضنة فوادي
أمل الوجار وخلو الباب مفتوح=خوف المسير يستحي ما ينادي
اقتباس:
ويقول الشاعر ابن خشم الذيب العجمي
اشرب الفنجال واكب البيالـه
طيباً واحب سلـم الطيبينـي
الولد ان طاب طيبه من خواله
وان تردا فاعرف انهم خايبيني
|
طبعاً هو الشاعر راشد بن محمد العجمي ويكنى (بخر الذيب ) وليس خشم الذيب وولده محمد الشاعر الأبرص المسمى بأبن الذيب....
وتقبل مروري أخوك ابن مصاول