أسولف من قهر بعضي وأنا كلّي غريـب إحسـاس
وأعلّق في نحـر هـاك القصيـدة .. آخـر آهاتـي
أعيش بغربتي دايم .. ولا أشعر في وجـودي نـاس
ولا اسأل قسوة الماضي .. وش اللي بالزمن آتـي ؟
تمرجح بي ألم باقي .. وصـدري يحبـس الأنفـاس
بقايا ثروتـي جرحـي .. ونبـرة حِـزْن بشفاتـي
تبوني أفرط السبحة وأسولف عـن قديـم البـاس ؟
تبوني أفتح جروحي .. و أزيـد النـزف بأبياتـي؟
تبوني ارتشف كاسي .. و يشرب حبري القرطـاس؟
تبوني أفضح الخافي .. وأكسِّـر حاجـز سكاتـي ؟
تعالوا واسمعوا قلبي .. وصوت النبـض والهوجـاس
تعالوا ولعّوا روحـي .. وشوفـوا نـور مشكاتـي
غريب وخلّد جروحه .. وكـان شعـوره المقيـاس
يموت العالم بلحظـه .. ويبقـى حـي فـي ذاتـي
أنا أسمي .. إيش؟ .. ما أدري ! ولكن اذكره : نبراس
نسيته !! من كثر حِمْلي .. ولا أذكر غيـر لوعاتـي
نزف قلبي إلى آخرها .. وغابوا عن وجـودي نـاس
ولا أشعر بالزمن ماضي .. ولا أدري للزمن آتي ؟!!
سوالف من قهر بعضي ..وأنا باقي غريب إحسـاس
تعَلِّقْ في نحـر هـاك القصيـدة ... آخـر آهاتـي
أبخفي باقي الثروة .. جروحـي والثمـن .. ألمـاس
وأوّرث هـالولد كنزي .. قصيـدة مـن معاناتـي
**************
((منقووووول ))