قصيدة لشاعر العــــــــرب :: سلطان الهاجري ::
إن جيت يا خاطر عسى الله يحييك=على الشحم و مبهرات الدلالي
عند الرفيق اللي يعزك ويغليك=حيثك ولد عوداً عزيزاً وغالي
و إن رحت يا خاطر فلا عندنا فيك=تغيب عنا شهور و ألا ليالي
خذها على الذرعان مني وأنا خيك=الكذب ما هو من سمات الرجالي
لا راجياً غيرك و لاني براجيك=و في كل ميراداً طولاً حبالي
أفتل و أحل معقدات الشرابيك=و أشيل ما شالت ظهور الجمالي
يا ما تصعلكنا و صرنا صعاليك=و يا ما تحملنا الحمول الثقالي
للمرجلة صرنا عبيداً مماليك=و كفوفنا تندى من أول و تالي
لو كان مانملك رصيداً على شيك=و جيهنا عند النشامى طوالي
نشوم عن هاذي ونرهي على ذيك=و ما حاشت يدينا ما هو راس مالي