المحاورة بتاريخ22/5/1431هـ
مجري خضر
سلام تسليمه وفاء ومعطـره بالياسميـن=اقولهـا لهـل الوفـاء وعدهـا وطولهـا
مع فارق التوقيت ياعايض ثلاث و ساعتين=قلـي وش الاخبـار وماقلتهـا باقولـهـا
عايض الحريص
يامرحبا ترحيبة الغالين ياهيف السمين=ترحيبة من ربعك اللي ماضيات افعلولها
مالك ومال الديره اللي لو تلد الها بعين=ماهي بلاحلولك ولانته يامجري حولهـا
مجري خضر
لاوالله الا ضاع في لحظه تعب كل السنين=والناس ياعايض تقيمها بكبر عقولهـا
احيان اشوفك تحسبنك خال زين العابدين=وحيان ترقص مطربك فزولهـا فزولهـا
عايض الحريص
لاوالله الا تو ابوركبـه بـرك بالركبتيـن=مايدري ان الزمل قبلـه بركـت بحمولهـا
انا ليا مني وقفت اوقف ولي جنب(ن)متين=وش عاد لو صنعاء عدسها تخلطه مع فولها
مجري خضر
اسمع كلامي وفهمه ياراعي القلب الفطين=ماهم عايض ثابت الدنيا ولا منقولهـا
والضربه الي سهمها بين الترابي والوتين=دايم ضحايها من الريجيل روس ازحولها
عايض الحريص
لا والله الا عودة يامـل قلـب ومـل عيـن=والناس مايظهـر مزاياهـا ياكـود ادلولهـا
علم بها راس (ن) مصلع قدم راعي المارتين=قدام لاينثـر علـى راسـه بـرد هملولهـا
مجري خضر
اضرب بحد(ن) من حديد وقاسي الصمله يلين=ماهمني ناس(ن) تجمع في شتـات اهتولهـا
اركع لربك يالحريص لين امد الـك اليميـن=مالك ومال الي من الحسره تعـن اخيولهـا
عايض الحريص
اهب ياهذا الشبل لو انت من ذاك العريـن=يمكن تنول الحاجة الي ما قـدرت انولهـا
لو مافصيله والدين الطفل تطلـع فالجنيـن=ان كان قلنا لك يامينا السفن مدري اسطولها
مجري خضر
الله يحفظك لو صوتك منخفض مثل الطنين=توبص لربعك في ظلام الليل وانته حولها
والزله الي من رفيقـي ماتبيـح بالكنيـن=لو جفت الاقلام ياعايض تزيـد احقولهـا
عايض الحريص
كل(ن)له من أسمه نصيب ولك من أسمك ما يبين=ياللـي تقدمـهـا لياقدمتـهـا خــذ طولـهـا
هـي كلمـة وحـدة تراهـا ماتكـرر مرتيـن=أنتـه تحسبهـا وأنـا أجـود عليهـا قفولـهـا
مجري خضر
تنهض بجنحانك تبا القمه وجايلك حنيـن=وبطت عباة الليل ماضفت عليك استولهـا
اخر رسول المصطفى والدين دين المسلمين=الله يكافينـا صواديـف الليـال وهولـهـا