ماهـي غريبـه لو قويتـي بـعـادي = وماهي غريبه لـو تماديتـي سنيـن
وماهـي غريبـه لو قبـرتـي ودادي = بـس الغريبـه لوتجيـن وتحنـيـن
لأنـك بـوادي والمحـبـه بــوادي = وشلـون تجتمعـون وانتـم بعيديـن
الحـب ماهـو تكلفـه واجتـهـادي = الحـب احسـاس ووفا بين قلبيـن
وان كان ماجيتـي بشـوق إنفـرادي = نصيحتـي لـك لاتجيـن وتعنـيـن
تدرين ايـش يخلـي الحـب عـادي = لاصار مايوجـد ثقـه بيـن الاثنيـن
والدنيا ماتسـوى الزعـل والتمـادي = ولاتكبـر إلافـي عـيـون الدنيـيـن
والله لوتـسـوى بعيـنـي عـنـادي = ماارسلت لك من صدق الاحساس بيتين
عشان كذا عشت اغلب الوقت هـادي = وريحت نفسي مـن قضية فلسطيـن
مع إن احـس انـي دليلـه وغـادي = تدريـن ليـه انـي ا حبـك لهلحيـن
والشـوق ياغايـة منـاي ومـرادي = فينـي يثـوّر خـامـدات البراكـيـن
اشتاق لـك شـوق الصـقـر للهدادي = واشتاق لك شـوق الفقيـر المسيكيـن
يحـلـم بـمـال الاغنيا فاالـرقـادي = والحلم عكـس الواقـع المر والشيـن
هـذاانــا والـشــوق ذا لاإرادي = يقودنـي لكـن مـدري الـى ويــن
لايابعد ضـحـكـة رزان وهـنــادي = حنـي علـي مـاودي اقـول تكفيـن
وإن كـان يتسـاوى بقربـي بعـادي = الله يخليـنـي لعـمـري وآمـيــن
بعد التسيق
تسلم ياشراعرنا عبدالله نوار وقصيدة تضم الى قصائدك الجميلة التي اتحفتنا بها سابقا .