اناعتيبي وسمعو زين يامطير

بعد الفتنه اللتي اثارها من اثارها حول من هو شاعرالوطن والخلاف في هذا الموضوع مع قبيلة من اعز القبائل لي انا شخصيا وكذلك الكثيرين من الهيلا وذلك بحكم النسب والجوار والتوافق في كثير من الامور ولكن البعض هداهم الله لم يهدأ له بال الا ان ينال من القبيلتين ببعض الكلام الغير مقبول فالعتبان والمطران زحول نجد ولن يسمح لأحد كائن من كان ان يشتم احد من هاتين القبيلتين ولو اختلفنا في كثير من الامور وليس في موضوع من هو شاعر الوطن :




كل المحبه والتقدير لقبيلة مطير



عاد انا نقلت لكم هذه الابيات واتمنى ان تعجبكم



انا عتيبي واسمعوا زين يامطيـر
مني صريح الهرج ماهو اشـاره


ترا لكم عنـدي محبـه وتقديـر
ولاهي غريبه جارن يحب جـاره


كليب يعرف حبه لسالـم الزيـر
وكل على رايه وعلـى اختيـاره


وحنا اختلفنا معكم بشئٍ صغيـر
ولاهوب حق انه يجيب النعـاره


وياللي عن الاجواد تكتب تقارير
خف من عذاب الله ومن حر ناره


شيوخ نجد اللي تقود الطوابيـر
مطير والعتبان ساس السطـاره


وش عرضك لزحول نجد المناعير
سب العرب لاتحسبنـه شطـاره


والشر دايم ماينتقلد علـى الخيـر
من يعرفه لازم يحسب اعتبـاره


يامفسرين الهرج وش هالتفاسير
رحنا بلشنا بيـن غـاره وغـاره


مجنوننا وده على الغازي يغيـر
وحنا نقول الجار نحسن جـواره


مايشرب النمام من جمـة البيـر
لو هو بغاهـا مبعدييـن ديـاره


وهبت هبوبٍ بارده حزةعصيـر
ابليس معها قام يقـدح شـراره




كتبت هذه القصيده تحت مسمى ذيب عتيبه


منقووووله

أبيات جميلهـ اختي شويهينه الهيلا

ونعم بعتبيه ومطير ومشكورهــ على النقل المميز من تميزكــ

اللي يسب او ينقص من قيمة اي قبيله فهو ناقص عقل او سفيه ولا خيار غير ذالك

ومطير وعتيبه من قبائل نجــد المعروفه بدون قصور في بقية القبائل الاخرى .

اما بشأن شاعر الوطن

نعم خلف بن هذا اطلق عليه هذه التسميه من قديم ولا ننكر حبنا لهذا الشاعر الفحل ومن ينسى قصديته المشهوره ( من دوون صهيون بذتنا صهاينا ) وغيرها الكثير الكثير.

اما من عام الفين ميلادي ومع بزوغ نجم الشاعر الصاعد تركي الميزاني فقد نال هذه التسميه (شاعر الوطن )بكل جداره

نعم تركي عطاالله المطيري شاعر الوطن ..

قالها سلمان بن عبد العزيز .. لتركي

(( إعتبر نفسك في مهمه وطنيه ,, فأنت شاعر الوطن ))



واقول للاخت شويهينه: مالمشكله ان يجتمع تسميت شــاعــــر الـــوطــن في شـخـصـيـن او اكــثــر . ( لان الوطـن للكـل )




.

تسلم اخوي ابن صحران وتحيااااتي لك

تحيااااااتي لك ياراس الضلع

اختي شويهينة الهيلا

صدقيني ان من أشعل الفتنه بين قبيلتين عزيزتين كامطير وعتيبه هم أناس لا من مطير

ولا من عتيبه أناس لهم مصلحه من الاختلاف وللأسف السذج هم من صدقوا ذلك

اما العقلاء لم تحرك فيهم ساكن .


ودمتي بخير ابن مشدد

كلامك صحيح اخوي ابن مشدد
تحياااتي لك

راس الضلع معلوماتك صحيحه اخوي وكلنا للوطن انا معك برايك اخوي

والنعم والله وتسلمين ويعطيك العافيه

كلام ابو أحمد عين الصواب
كلنا للوطن ومالمشكله لو يجتمع اللقب لعشره مو لثنين !
مشكوره اختي ويعطيك العافيه