لا تـــــنــــســـين اني !!! ، مطــــــــيري

السلام عليكم ورحمة الله وبركاته

حــبــيت انقل لكم هاذه القصيــده


يوم اني جيت اسايرك واطلب رضـاك
صرتـي عليـه ياغشيمـه تغليـن !


شكلك نسيتي صاحبـك كيـف ربـاك
والظاهر انك مافهمتـي لهـا الحيـن


ماهـو بنـا اللـي يتبعـك ويترجـاك
انـا الـذي لارحـت لازم ترجـيـن


ولاهو بنا اللـي يـوم غبتـي تمنـاك
انـا الـذي لاغـبـت لازم تمنـيـن


بدري عليـك آحـن حتـى لذكـراك
وبدري على الذكـرى تخلينـي آليـن


ولو قلبي حن وجاب لي يـوم طريـاك
والله لشيله مـع عـروق الشراييـن


لي عزه وقيمـه ولـي قـدر يعـلاك
اعرف كيف اصبر على البعد والبيـن


انـا مطيـري يـوم هـذا وهــذاك
لاصد له ليلـه , يجـي بعـد يوميـن


واسمي ( فهد صنهات ) مااضن يخفاك
مع جدي العفـار ذيـب الدياحيـن(1)


تدرين انـا ماهمنـي كثـر الامـلاك
وفلوسك اللي مالهـا عـد تدريـن !



يهمنـي قلبـك وطيـبـك ومـبـداك
حبيتـك لذاتـك مـاهـو للملايـيـن


ويوم انهـا بانـت خوافـي نوايـاك
وعرفت ويش اللـي تبينـه وتنويـن


لو قبض روحي كـان مابيـن يـداك
لما طلبـت العفـو والصفـح والليـن


يعني تبا تبطيـن ماقلـت انـا ابغـاك
اقسـم قسـم بالله يابنـت تبطـيـن



مو مشكله جيتك ابي اطلـب رضـاك
وانتـي عليّـه ياغشيـمـه تغلـيـن


المشكله انـي علـى طـول ابنسـاك
بس إنتي قولي كيـف بالله تنسيـن ؟

ولو قلبي حن وجاب لي يـوم طريـاك
والله لشيله مـع عـروق الشراييـن

طيب لو قلبك حن هل ستشيله مع الشرايين مثل ما اقسمت؟ طبعا الجواب لا فلماذا المبالغه والقسم على الكذب؟

انـا مطيـري يـوم هـذا وهــذاك
لاصد له ليلـه , يجـي بعـد يوميـن

وش دخل القبيله في الغرام؟

واسمي ( فهد صنهات ) مااضن يخفاك
مع جدي العفـار ذيـب الدياحيـن(1

)

ونعم فيك وفي جدك لكن ليش كل هالعزاوي والشغله غراميه؟ كنك داخل معركه!!


عموما شكرا على النقل يابو فيحان

حالي حاالك يا ابن غلاب
ولو تبي تحذفه احذفه يفداك يابن غلاب
ولاعدمناك وتعليقك المميز ومرورك العطـر

لاتعليق بعد كلام ابوعيسى

وابوفيحان مشكور على النقل

العفو ابن مشدد شاكر لك مرورك

المشاركة الأصلية كتبت بواسطة ابو فيحان الميزاني

حالي حاالك يا ابن غلاب
ولو تبي تحذفه احذفه يفداك يابن غلاب
ولاعدمناك وتعليقك المميز ومرورك العطـر

اخوي ابو فيحان لا تحذفه ولا شي وملاحظاتي هذي طرحتها ليستفيد منها صاحب القصيده0

وانت مجرد ناقل للموضوع واشكرك جزيل الشكر

قصيدة ضعيفة جداً معناً و صيغة وملآنة بالكسور للأسف

وقد رأيتها قبل كم سنة في أحد منتديات مطير ولكنني ضحكت ومشيت ورأيتها هنا في منتدياتنا قبل سنة ونصف ...

وخاصة بدايتها

شكلك نسيتي صاحبـك كيـف ربـاك
والظاهر انك مافهمتـي لهـا الحيـن

ليش مربيها من يومها صغيره؟؟؟!!!

المشكله الواحد لما يسوي بيتين ويصف كلام ويقول شعر!!!

والمشكلة الأدهى يوم يقحم أسمه وأسم العائله وهو في أول الطريق وربما صاحب هذه القصيدة الآن شاعر بحق وحقيق ويريد ان يتخلص منها ولكن هيهات بعد ان ختمها بأسمه وأسم أبوه وجده!!!!

وللأسف هذه القصيدة مكرره http://www.almouazeen.com/showthread.php?p=31277

مشكور أخوي أبو فيحان ولا هنت على النقل