متعب الزنغوب وقصيده جديده

بسم اللله الرحمن الرحيم

اخواني عبر هذ الصرح العظيم اطرح عليكم هذه الابيات التي تتحدث عن معناها
والقصيده تلتزم في قافيه واحده اتمنى ان تنال اعجابكم

يقول اللي ليامنه تهجرس= يعسف القاف عسف اهل المطيه
يركبها على حق وحقيقه =ولاله بالرديه والخطيه
وراثه ورث ابوه ورث جده= ماجابه من بلد مكه عريه
قصيده سيف ماهو بالتلاعب= ماهو شعر الطبل والعنجهيه
عبادن كل ليله وسط ديره= يشبون الحرايب فالبريه
لون الشعر جده بس ضايع =نسى اليمه وسواله سويه
ياليته في زمانه مايغني يخل= الرجل ممشاها شويه
يبرق لامشا بأوسط حدوده= ويعرف كلمته لاطال غيه
يقدرلانوى بأهل الاشده= ويتركها لحكم اهل الرعيه
ولاكن ياهل الاشعار قومو =نبيها حرب هذي عالميه
على شان المهند ترفعونه =وتحمون الهنوف الجادليه
تسبب في عناها كل ضايع =عشقها عشق والذمه بريه
مادام انك مع الشعار عالم= زمان الضلع ماهزه بليه
وابنصح كل شاعر في قصيده= تفاخر ماتفاخر مع خويه
حكم شعره يحكمونه حظوره= يحكمون القصيد السامعيه
وختما ن القصيده من حروفي = بشعرا مايجيه المنقديه
وصلى الله على محمد وسلم = رسول الله محمد هو نبيه

اخوكم الشلعر متعب الزنغوب

صح لسانك واعتلى شانك اخوي الشاعر متعب الزنغوب على القصيده الرائعه

قصيدة أكثر من جزله اخي متعب وانت شاعر وأبن شاعر وحفيد شاعر فصح لسانك وأعتلى شآنك ونطالبك بقصائدك وخاصة القصيدة التي أرسلتها لي على الجوال منذ فترة

وبهذه القصيدة تنقل الى فيئة الشعار وبدون أي منة

صح آآآلسآآنك يآآ آآبن آآلعم

ولآآآآ هنت قصيدة جزلة

ودي وآآحترآآمي

مشكورين على ردودكم اخي عز الخوي وابن مصاول وابن العم قاسم واتمنى جميع مانقدمه يحوز على ذائقتكم الشعريه ولكم مني كل الاحترام

صح لسانك واعتلئ شانك

صح لشانك مدد بلا عدد