الامير نايف : و نعم و الله بهذاك المطيري

هذه القصة تكررت على مسامعي في أكثر من مجلس

و احببت ان انقلها لكم لما لها من معنى رائع و موقف مشرف

انا انقلها لكم كما سمعتها و لا أعلم ان كان فيها نقص ام زيادة أو تحريف

أترككم معها :

على عهد الملك خالد رحمه الله كان الامير نايف بن عبدالعزيز في مقناص مع ربعه و جماعته
و هدّ أغلى و أعزّ طير عنده لكنه للاسف ما رجع
وذهب للبحث عن الطير
اخذ معه اثنين السواق و شخص يقال له ابن هلاّل على سيارة جمس

بحثوا عن الطير الى ان غابت الشمس و قرروا يرجعون لربعهم بعد ان تعبوا لكن في طريق العودة جتهم عاصفة رملية شديدة ومعها أمطار وكان الوقت شتاء و ضيعوا طريقهم خصوصاً ان ما معهم اجهزة اتصال لانها ما كانت متوفرة ذاك الوقت

بعد فترة قال الامير نايف : حنا ما نقدر نصبر على الوضع هذا لازم نلقى أحد نخطره ما نقدر نمشي بهالظلماء و العجاج و االمطر نحتاج مكان نستريح فيه يا جماعة

و ماهي الا دقائق حتى شافوا الابل أمامهم و قدامها بيت شعر كبير و ناره شابه و علومه طيبة
نادى الامير بصوته لكن ما احد سمعه من صوت العجاج
طق البوري ثم طلع له رجل كبير من البيت يقول : أقلطو أقلطو

ثم التفت الامير نايف لجماعته و قال : لا أحد يتكلم و يقول هذا نايف بن عبدالعزيز قولوا حنا اهل قنص و ضيعنا طريقنا مع العج
قالوا أبشر

قلطوا عند الرجال و تقهووا عنده ثم أرسل الرجل ولده يذبح لهم طلي " خروف صغير " و تعشوا الريجايل و اخذوا علوم بعض ثم قدم لهم الرجل مجموعة فرش و لحف
و قال لهم :الجود من الموجود و اعذرونا على القصور
قالوا : عز الله ما قصرت و وجهك ابيض
و نام الجميع

و يوم جاء من الفجر و الى الرجال شاب ناره و مدفي الماء للوضوء
و صلوا الفجر و أفطروا
و زان الجو
و جاء وقت الرحيل

ثم قال الامير نايف انا من البارح اسولف معك و آخذ علومك لكن ما سألتك : من انت ؟
قال الرجل : انا بدوي من الشعب السعودي
قال الامير نايف : كلنا بدو من الشعب السعودي لكن وش أسمك؟
قال الرجل : وش تبغى بأسمي انا ضيفتكم و الحمدلله و ان شاء الله اني ما قصرت
قال الامير : انا نايف ابن عبدالعزيز , انت من انت ؟
قال الرجل : انا اخو جوزاء ليش ما علمتوني من البارح؟؟؟
قال الامير : وش تبي تسوي ؟ تسوي أحسن من كذا ؟ و الله افضل اكل اللي أكلته البارح و احلى نومه اللي نمتها البارح
بس انت علمني وش اسمك ؟
قال الرجل : انا عبدالله بن فلاح ابو شويربات المطيري
قال ابن هلاّل : هذا من شيوخ مطير شيخ ولد شيخ دايم أسمع فيه
قال الامير : بكره ان شاء الله ابيك تلحقني للرياض ضروري
قال الرجل : على خير ان شاء الله
و ذهب الامير و جماعته و ودعوا الرجل و شكروه على حسن ضيافته و كرمه

بعد اسبوع سأل الامير ابن هلاّل : وين الرجال اللي وعدناه قبل اسبوع ؟ ما حضر ؟
قال ابن هلال : لا و الله ما حضر

قال الامير : و نعم و الله بهذاك المطيري أنا أشهد انه عزيز نفس و لو انه غيره كان من ثاني يوم وهو لاحقني في مكتبي

و قعد الامير سنتين كل ما شاف ابن هلال قال : وين معزبنا اللي ضيّفنا ؟ ما حضر ؟
و بعد فترة توفي ابوشويربات و علم الامير بهذا و عزاء اهله في وفاته

منقول

اخي العزيز عادل الف شكر على السالفه الللي اول مره اسمع عنهااااا
لاهنت ياكحيلان وبيض الله وجهكـ على السالفه المفيده
شـكــ وبارك الله فيك ـــرا لك ... لك مني أجمل تحية .

لاهنت عادل فيما نقلت

تقبل مروري

نعم سمعت بها من قبل ولكن كانت مقتضبة ولكن هنا السالفه اكثر تفصيلاً بيض الله وجهك اخوي عادل على النقل ومثل هذه القصص هي التي نفتخر بها جميعاً فانظروا عزة نفس المطيري ...ولا هي بغريبة أبد فالمطيري بدون قصور في القبائل عزيز نفس

اخوي عادل مشكورعلى السالفه الللي نسمع فيها كثير بس بدون نفصيل
لاهنت على نقل

مشكور عادل

بيض الله وجهك علي ماكتبت يداك
وتقبل تحياتي

تسلم الله يعطيك العافيه ماقصرت على النقل

الف تحيه لك

لاهنت والله ياعادل

الله يعطيك العافية أخوي عادل الجبيري
على هذا النقل الجميل و الرائع و المميز