غصن الكرامه..!

موجة شعر تنصى العقول الفهيمه.=من شاعر ٍ فعله يسابق كلامه.
السالفه ماهي حمول وعزيمه.=السالفه باللي يبيع احترامه.
العلم زاد القلب زهرة صميمه.=تقواك خير الزاد حصن استقامه.
بالمعرفه مورد عقول ٍ عقيمه.=نور ٍ كشف درب الجهل مع ظلامه.
طلاب علم ٍ في ديار ٍ ذميمه.=الدين من وسطه تِفلّت حزامه.
العين من بعض الطبايع سقيمه.=والحسره نار ٍ في فتيل الندامه.
السيل لو يروي عروق الهشيمه.=مااخضّر عود ٍ في يباسه حطامه.
البنت تلبس لبسهم في شتيمه.=وفخذوها تشبه فخوذ النعامه.
مسترجله بين النصارى عديمه.=عين ٍعلى محسن وعين لْحسامه.
يابنت دار الكفر فيه الهزيمه.=اقلّها احجابك على أقرب قمامه.
سحب المذله فالسما مستديمه.=صارت على روس القرابه علامه.
ردك بعصريه تموت الحشيمه.=نهج النصارى كيف طقتي نظامه.
مافيه غِيره لا ولابه غنيمه.=جار ٍ حضن جار ٍ يقبّل مدامه.
عالم بهايم والبهيمه بهيمه.=الله عطاهم عقل وافلت خطامه.
شجرة أصولك من جذور ٍ كريمه.=من جنبها مكسور غصن الكرامه.
ليلى تقول.! وكلمة الحق ديمه.=من ريقها تغسل عيون الغشامه.
وش ناقص النسوان غير الحريمه.=وربي عطاهن قدر عالي مقامه.
مصيونه بْحشمه ونعمه عظيمه.=لولو ٍ وسط محار قبل انقسامه.
انتي بعباتك لك مكانه وقيمه.=اطهر من الما في صدور الغمامه.
شومي عن اللي فكّر إنك وليمه.=وحجابك حجابك شراع السلامه.
هاك النصيحه والنوايا سليمه.=والعقل مفتاح الهلاك انفصامه.
ماهي على يعرب جديده قديمه.=قَصَّه ورقصه ثوّرت في عسامه.
الصوت ماينفع بوقع الجريمه.=والوقت قاضي والمذله وسامه.
القلب روضه والمشاعر نسيمه.=وفيه الشجاعه والدّها والصرامه.
قاله غيور ٍ من رجال ٍ حليمه.=شاعر رمى من فوق ريمه ملامه.
تشهد على قافي نجوم ٍ حكيمه.=اهل الشعر والطيب نملك سنامه.
اشوم عن خوة قلوب ٍ ذميمه.=وادهل مداهيل الكرم والزعامه.
موت الخطآ والحق فاني خصيمه.=والليل يبقى ساري ٍ في سلامه.

ليلى : د/ ليلى صالح عزوز
(خارج إطار الشرهه من لم يعجبه ماكتبت)

إحترامي

صح لسانك اخوي صالح على هالنص الجميل

قالـه غيـور ٍ مـن رجــال ٍ حليـمـه.

شاعر رمى من فوق ريمـه ملامـه.

كفو والله ابوعمار والله هاذي بلوى وماهي الامصداق للحديث المصطفى (ولودخلو جحرضب لدخلتموه )

والاخت ليلى هي من الاخوات اللتي أدركت مايحاك وينظم لأخراج بنت

الشرف والستر من جلبابها فالله المستعان سنرى من المشاكل مايندى

له الجبين من حقوق في القياده والمساواه بالرجل ووووو الخ ..

دمت بخير

المشاركة الأصلية كتبت بواسطة ساكب الحرف

صح لسانك اخوي صالح على هالنص الجميل

قالـه غيـور ٍ مـن رجــال ٍ حليـمـه.
شاعر رمى من فوق ريمـه ملامـه.
كفو والله ابوعمار والله هاذي بلوى وماهي الامصداق للحديث المصطفى (ولودخلو جحرضب لدخلتموه )
والاخت ليلى هي من الاخوات اللتي أدركت مايحاك وينظم لأخراج بنت
الشرف والستر من جلبابها فالله المستعان سنرى من المشاكل مايندى
له الجبين من حقوق في القياده والمساواه بالرجل ووووو الخ ..

دمت بخير

ساكب الحرف
صح بدنك ملايييييييين وشملك العفو من رب ٍ كريم
ونســأل الله أن لهم الهدايه والصلاح
حضورك فــــآخر دائماً ياساكب ويُخجل أبجديتي
دمت في سعادةٍ دائمه


إحترامي

صح لسان اخوي صالح ويعطيك العافية

المشاركة الأصلية كتبت بواسطة عنود الصيد

صح لسان اخوي صالح ويعطيك العافية

عنود الصيد

يفاخر بكِ المتصفح دائماً فــ/حي هلا فيييك
كما يفآخر بك نازف المنثور كذلك
صح بدنك ملاييييييين يافاضله

إحترامي و تقديري

صح السانك اخوي صالح ويعطيك الف عافيه~~

صح لسانك اخوي صالح بن عمار على هذه القصيدة الجميله , ولي ملاحظة على ربط النصرانيه بالتفسخ والتبرج فلو رجعنا للتأريخ لوجدنا ان النصرانيات قبل حوالي 70 سنة من الآن متسترات ولكم في الأفلام القديمة اكبر مثال وفي الصور القديمة أيضاً ولكن المشكله هي الصهيونيه والعلمانية العالميه..

تحياتي لك وصح لسانك يا أبوريان

صح السانك يالشاعر وافي