يصير عقلك والهبال متساوي

غير متواجد حالياً

اليوم جايب لكم قصيدة أشتهر منها بيت يردده الكبار والصغار وهو:

لا صار ما تاخذ امورك بحيلات =يصير عقلك والهبال متساوي

وأيضاً هذا البيت:

ياما على الجاهل يفوتن الأفوات=وياما على العاقل تصير البلاوي

وهي للشاعر صالح بن سند من الحنتم من مزينه من بني سالم من حرب وهو شاعر مبدع تتميز أشعاره بجوده الصياغه وصدق العبارة

يقول :

ياراكب من فوق حيل ٍ مجلات =مترفعاتٍ مبرمات ٍ عصاوي
يشدن تخضاع البني العفيفات=على المزين يجدعن المزاوي
القلب لابده يهوجس بحاجات=والبعد والله مايرد الشقاوي
تعبروا ياهل القلوب الفهيمات=متعرضينٍ للخطر والأهاوي
ياما على الجاهل يفوتن الأفوات=وياما على العاقل تصير البلاوي
لا صار ما تاخذ امورك بحيلات =يصير عقلك والهبال متساوي
راع الحساني ما يجازى بسيات=وراع الصخا حبله طويلٍ رهاوي
ورفيقك اللي دايم الدوم شمات=بيعه برجوى الله وثيق العراوي
والقبر صندوق العمل بيت الأموات=ترصد على جاله بدوٍ خلاوي

أبن مصاول

غير متواجد حالياً

لا صار ما تاخذ امورك بحيلات
يصير عقلك والهبال متسـاوي

هذا البيت دايم اسمعه من الوالد
بس توني اعرف صاحب القصيده
شاكره لك بن مصاول ..

غير متواجد حالياً

الأخت لعيوني ترخص أرقاب لا هنتي على المرور وشاكر لك الإطلاع وهذا البيت هو مما يقال له(بيت القصيد) أي أنه أشهر من القصيدة كلها فربما تنسى القصيدة كلها وصاحبها أيضاً ولكن هذا البيت لا ينسى..ولاهي بغريبة على والدك العزيز أن يتذكره فهو بيت حكمة .

أخوك أبن مصاول