أحب يا اللي مزعجيني تحبون؟؟

السلام عليكم ورحمة الله وبركاته

جديدي بين أياديكم

أحب يا اللي مزعجيني تحبون=أحب من صان المحبه ولا خان
رجال يسوى فالرياجيل مليون=مافيه مثله بين حضر(ن) وبدوان
شاعر ومتعلم وتاجر ومزيون=غطا عليكم يارخيصين الإثمان
ماهو من اللي (ل)لردية يلدون=فنان بأسلوبه وفالعشق فنان
ماهان قدره يوم غيره يهينون=نال الغلا كله عن فلان وفلان
متميز(ن) باسمه وله طبع مجنون=ما يقبل الذله ولا يعيش منهان
يذبح عشا ضيفه ولا قال مديون=يوم ان غيره يدبل العذر باديان
يفزع لربعه لاسمعهم ينادون=و يقدم الفزعه لهم سر واعلان
اسمه مع العربان بالطيب مقرون=ربي عطاه العز من غير حسبان

يذبح عشا ضيفه ولا قال مديون
يوم ان غيره يدبل العذر باديـان
صح لسانك
قصيده جزله من صاحبة الجزلات الدائمه
عيد المطيري يتمنى لك التوفيق والسعاده فى حياتك

صح لسانك سهام ولا هنتي على الأبيات الجميلة


تحياتي وتقديري

قصيدة مميزة من شاعرة مميزة تفيض بالشمم والكبرياء العربية المتأصلة في بناتها الأصيلات , صح لسانكِ أختي سهام والله يوفقكِ لمن يستحقكِ ويقدركِ حق التقدير

تقبلي مروري

صح لسانك شاعرتنا ..

قصيده اكثر من رائعه وفيها من الجزاله والقوه الشي الكثير ..

اتمنى لك التوفيق ، ويعطيك الله الف عافية ..

صح لسانك اختي ملكة القوافي على هالابداع والقصيده الاكثر من رائعه
دمتي دائماً بخير وتألق
.

صح لسانك على القصيده

قصيدة جميلة جدا .. لكن عندي ملاحضه بسيطه عليها ,,
في البيت الثالث قلتي تاجر وفي البيت السابع قلتي انه يذبح عشا الضيف ولا يقول مديون ,,فبكل تأكيد التاجر لايمكن ان يكون مديون ولواعتذر بالدين لا ماصدقه الناس, وهذا تناقض في البيتين,, وتقبلي الانتقاد بصدر رحب ,, وعموما صح لسانك ويعطيك العافيه ,, وشكرا

أختي سهام صح السانك قصيده قمه بين القصائد لآهنتي أختي

صح لسانك اختي سهام العبدلي على هذه القصيده

دائم متميزه في قصائدك لاهنتي

تحياتي لك