قصيدة في ملتقى بني عبدالله في مليح 1431هـ

هذه قصيدة للشاعر / فلاج بن ناجي السقياني
بمناسبة ملتقى بني عبدالله في مليح 8/5/1431 هـ
بضيافة الشيخ فيصل بن سقيان وجماعته
واتمنى ان تحوز على رضاكم

ثمــان مع عــشرين عــام أكيده = مـرت على حـفل له اصول واساس
والعــام ذا فــيصل لربعه يعــيده = في منهــج خـطوات متعب له قياس
ترحــيبنا بالــضيف فــينا عقيده = هـدي النبي في ضـيفنا خـير نبراس
ســـلام خــص لكـل شهم ووليده = ترحـيبة وتقدير وشـعور واحسـاس
بـاللي تــعنا من الديــار البعـيده = وحــضر بجــمع مروية كل عباس
عـبادل وأهـل الفـعول المــجيده = يـوم انــها كـانت على قب الافراس
عــدونا بالأرض تسمـــع كـديده = بالقــاع تســمع له مكد على الراس
لــوصد دون ســيوفنا مايــفيده = مايمـنعه لو يلــبس الدرع والطـاس
واليـــوم مــلك والحـكومة رشيده = الحــكم بالشــرع المطهر لها ساس
في عــهد من حـاز السـجايا الحميده = وخــيره شمـل كل القرايا والاجناس
صــقر العــروبة دايـم الدوم صيده = جزايــل ماصادها كـــل قرناس
لاهــوا بمــخلابه لقـــلب الطريده = يظهــر معاليقه على حـد الامواس
دون الوطـــن ناقــف جنود عنيده = في البر دبــابه في البحــر غطاس
وفي الــجو طـــيارة بشاشة فريده = على الخطــر متى يدقـن الاجراس
لازلـــزلت صبت غــضبها وقيده = على الهــدف تقذف بريموت حساس
اشـــــارة لبـعد الهدف وتحـديده = قذايــف في ضربها قطف الانفاس
يارض الوطــن لو كــج دم وريده = ثـــراك لايمــكن بالاقدام ينداس
مـن زمـرة انجــاس حـقيره مريده = وعن حضنك الطاهر يخيبون الانجاس
الغــادر اللــي مالـقو له شـريده = تـفـرق اشـتاته وعـود بالافـلاس
وهذا الوطــن يفرح وفي يوم عــيده = عودتـك ياسلـطان سالـم من الباس
يــمنى لبو مــتعب وسـيفه عضيده = ثجـاج كفه جـود بغـير مــقياس
ونايـف لـيا وقـف الضـديد لضديده = كفه ســقا الخصم المنايا من الكاس
وسلـمان سـلمان العـزوم الشـديده = قمة جبل متـعلي وشامــخ الراس
عن قــمته خــلى السـحايب بديده = المـجـد ياسـلمان لبســته لباس
رويــت وارويتك فــخر يالقصيده = ولبســتك عقود الجواهر والالماس

صح لسانك وأعتلى شانك ..
يعطيك العافية

...طرت في سماء الأبداع وحلقت عاليا..
كلمات مليئه باللطف والشفافيه ..
تقبل تقديري

صح لسان الشاعر فلاح بن ناجي السقياني وتسلم الاخ ابن وصيمع على النقل الموفق لاهنت

صح لسان الشاعر/ فلاج بن ناجي السقياني

وتسلم يابن وصيمع على النقل

بيض الله وجيهكم
على المرور الجميل

صح لسان الشاعر فلاح بن ناجي السقياني
و تسلم الاخ ابن وصيمع على النقل الموفق لا هنت

صح السان الشاعر المبدع فلاج السقياني


الشاعر وهو يلقي القصيدة


ونشكرك العضو أبن اوصيمع على نقل هذه القصيدة لنا

السلام عليكم ورحمة الله وصح لسانك وأعتلى شانك ..
يعطيك العافية

...طرت في سماء الأبداع وحلقت عاليا..
كلمات مليئه باللطف والشفافيه ..
تقبل تحياتي اخوك ممدوح الميزاني؟


بركاته

لاهنتو على المرور
والاطراء الجميل
دمتم بود

صح لسان الشاعر" فلاج السقياني ,, وصح نقلك ...