بيت((بدون نقط )) من روائع أميرشعراء النبط *محمد بن حمد ابن لعبون

0 بيت((بدون نقط )) من روائع أميرشعراء النبط *محمد بن حمد ابن لعبون
هذي قصيدة للشاعر الكبير محمد بن حمد بن لعبون ...والتي تبين شاعريته بهذه القصيده التي تااتي دون نقط ..






أحمد المحمود مـا دمـعٍ همـل
أو عدد ما حال وادٍ له وسـال
أو حدا حاد لسلمى أو رحـل
سار هاك الدار أو داس المحـال
أو عدد مـاورد ورّاد الدحـل
أو رمى دلوه وما صدر ومـال
أحمده دومٍ على حلـو العمـل
سامع الدعوى ومعط للسـؤال
ما على راك لعا وأعلى ومـل
حاول الطاعه على ما صار حال
ما حلا لولا صدور لـه وهـل
لو ورد ما عدها الما له أطـال
ما رد حاله على حال الوحـل
طال ما حسه لروحه لا محـال
راد رود للمهـا سمـه سحـل
عاد صل لسعه أسوا لـه وآل
ما دعى داع الهوى إلا وسـل
روح مطرود الهوى ماله وسال
ما على ماسور دمعه لو هطـل
لا ولا مسراه عـاد للهمـال
ما ورا ما هو عصى وال المهـل
مالك العالم وعـلام الاحـوال
ماسك صارم هلاكه والكسـل
ماسك لعراه معـدوم العـدال
عادم علم الهدى مالـه وهـل
هالدهر دوم على طول الأمـال
ما وراهم كود هـدام الأمـل
للملا حراس لـلأرواح سـال
لو عطاه ومهلـه مالـه مهـل
هل على طول الدهر عمرٍ وطال
ما سعاهـا سالـك إلا رحـل
الا ولا له كود لحده والاهوال
لو رأى حالـه ومالـه للملـل
لام لوامـه علـى دار المـلال
دار لهـوٍ مالهـا طـرٍ عـدل
ما عداها لهوهـا دوم وعـال
حارس سلال روحه مـا سـأل
ما علـى راده المولـى سـؤال
حاكم عادل وما رواه حصـل
آمر ما راد لـه راعـه وهـال
ما عد كاس المراره ما الحـول
للورود وما لورد لـه عطـال
وارد كاسه ومع أهـل الطلـل
ما لواهم له لوى دوم وحـال
حال حاله لو راوا ماله وصـل
عاده أملاكٍ اكـرام للسـؤال
وسط لحد ما معه كود العمـل
أو سواد الدود مع سوء المـآل
واعلى حل علا مالـه سهـل
عطله لهو الهـوى دوم ومـال
سامر اهوال الهوى واهوى وحل
ما طوا سده وعـاده للهمـال
حاول السلو وسـاوا للاسـل
والهوى له ساحر سلـه سـلال
راحمـه وال المـلا وال عـدل
صور العالم على حلو الكمـال
دوم صلوا عد ما هدهد وهـل
أو عدد ما حام أو هل الهـلال



حلا نجد

ما    وراهم    كود    هـدام    الأمـلللملا    حراس     لـلأرواح     سـال

لو عط¸â‚¬طاه ومهلـه مالـه مهـلهل علىط¸â‚¬ول الدهر عمرٍ وطال

أشكرك أختي حلا نجد لنقل هذه القصيدة غير المنقوطة لأبن لعبون لمنتديات الموازين والبنسبة لي أول مره أطلع عليها والفضل يعود لك....

أخوك ابن مصاول

ماني مصدقه فيه شئ مامر عليك00أنا البارح أقول لزوجي(ابن مصاول لا يخفي عليه شئ


كل حاجه وعرفهاا تقول كمبيوتر00هههه 00شوف رد ابو العيال00انسان فاضي000) القهر منك 000

شاكرين لك يا اااخي العزيز ابو ضيف الله000

أحمده دومٍ على حلـو العمـل = سامع الدعوى ومعط للسـؤال
صح لسان الشاعر ابن لعبون وتسلم انأمل ناقلها ..
تقبلي مروري وتقديري .. سلطان الميزاني.

المشاركة الأصلية كتبت بواسطة حلا نجد

ماني مصدقه فيه شئ مامر عليك00أنا البارح أقول لزوجي(ابن مصاول لا يخفي عليه شئ


كل حاجه وعرفهاا تقول كمبيوتر00هههه 00شوف رد ابو العيال00انسان فاضي000) القهر منك 000

شاكرين لك يا اااخي العزيز ابو ضيف الله000

عادي بس لا تحشين أنتي وأبو الشباب في أبن مصاول كثير لأني إذا واحد كثر الحش فيني!!!! أدري أنه يحش فيني!!!! لأن الموجات كالهروماغنيطيسيه بتاعته تنتقل عبر الطيف وتوصل لعندي ويصيبني هرشان في جسمي ....

وهاك الوقت أشغل (شمشموركعبور)<<<<الجني تبعي ويجيب خبره

ابن مصاول

يعطيج العافيه على القصيده