هذه القصيده مهداه الى الشيخ فيصل بن بندر الدويش امير قبيلة مطير وقدتشرفت بالقاءها امامه
سلام ياشيخٍ رقا عالي الطيب = شيخٍ ولد شيخٍ فعوله جزيله
فيصل ولد بندر عطيب المضاريب = ليا ثقل حمل الليالي يشيله
فيصل ولد بندر زبون المطاليب = مثل الحصان الي ينومس صهيله
فيصل ولد بندر كثير التراحيب = يمناه بالمدات ماهي بخيله
في مجلسه تلقا طوال الاشانيب = ولاتشوف اهل العلوم الرذيله
تلقا من الاصحاب ومن الاجانيب = ومن ضدته سود الليالي يجيله
من حر ماله يعطي الناس ويجيب= ويفزع بجاهه فالامور الشكيله
له سمعةٍغطت على الزير وكليب= وله هيبةٍ ماجات في عصر جيله
كم واحدٍفي ساحة التهلكه جيب = بينه وبين السيف لحظه قليله
وجاه الدويش الي يفك النواشيب = فيصل ولد بندر مزبّن دخيله
وصدر قرار العفو ماهو مكاتيب = قرار من راس العميل لعميله
ياشيخنا لاغثربن المشاريب = وقفتك ترفع راس من تنتميله
ون عودت للطيب ومزارق الطيب= جدك وابوك اهل السيوف الصقيله
دوشان عز ليا عوا الذيب للذيب= الي يجي قدامهم عزتيله
يالليث يالضرغام ماحاشك العيب= ولاانته من الي يكسبون الفشيله
انت الذي عديت روس المراقيب = وانت الذي رفعت صيت القبيله