مسجون ف العشه عيونه مغاوير عقب الفضا ومطارده للحباري
كُتب : [ 25 - 02 - 10
- 11:55 AM ]
لا والله الي قربت ربطه الطير=مع ربطته معاد نبغى البراري
في عشتن مترين مربوط بالسير=القيض كله لين تبداء الصفاري
مسجون فالعشه عيونه مغاوير=عقب الفضاء ومطارده للحباري
راعيه عقب الجيب في موتر صغير=بدل صغيره عقب جيب السفاري
وعقب القنص تحت المكيف مخامير=معاد نطلع من محيط الحواري
ونوسع الخاطر ابعض المسايير=ولاعاد يذكر للمقانيص طاري
نسوق بالورعان تبع المشاوير=الوقت متغير علينا اجباري
ومطول ليالي القيض عند الصقاقير=وفصل الشتاء يمر منته بداري
ونجم الجنوب اليا طلع له تباشير=ويصير للصقار حالة طواري
اليا طلع والوسم مزنه مزابير=من اول بكور الوسم ملئ الخباري
ساقها على الصمان وال المقادير=سيله على حسنه وهاك المحاري
توارده بدو(ن) تسوق المظاهير=قبل الكباين يسحب(ن) بالواري
يوم البداوه والرجال المشاهير=على الركايب يقطعون الصحاري
دنياً تبي من كامل العقل تفسير=والخبل في غفله ولاهو بداري
كثر المهايط والليالي مدابير=كل(ن) على عمياه بالليل ساري
سبحان رب(ن) دبر الكون تدبير=الواحد اللي للخفيات
رد: مسجون ف العشه عيونه مغاوير عقب الفضا ومطارده للحباري
كُتب : [ 25 - 02 - 10
- 10:52 PM ]
الله الله صح لسانك شاعر جزل وحرف فاخر
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
رد: مسجون ف العشه عيونه مغاوير عقب الفضا ومطارده للحباري
كُتب : [ 25 - 02 - 10
- 10:58 PM ]
صح لسانك اخوووي
ابووو نافع
الجد زراقـي وحنـا زراريـق=والناس لنـا تعتـرف وتعرفنـا
مثل الجبال الشامخات الشواهيـق=ماهمنا صفق الهواء في طرفنـا
رجالنا معروف في ساعة الضيق=يكفي عن اللي غايبٍ من سلفنا
وافعالنا ماهـي دعايـه وتلفيـق=وتشهد لنا وقفاتنـا اللـي وقفنـا
خصيمنا يغشى من الغبن ويفيـق=لو يجتهد ماردنـا عـن هدفنـا
ماعمرنا خفنـا وعشنـا مدانيـق=الا من اللي كوّن الكـون خفنـا
يشهد لنا المعبود رب المخاليـق=اللي علـى تقـواه نحيـا ونفنـا