المشاركة الأصلية كتبت بواسطة عبدالرحمن بن غلاب الميزاني
يضيق صدري كل ماغابت الشمس= ويطري علي من الهواجيس طاري
اقوم واجلس واتلفت وانا عمس = تقول مطعون ٍ بحدب الشباري
ليا طرالي صاحبي مبعد الرمس = الي ماهو عن لوعة الحب داري
بالله يالمجمول يامخضب الخمس= وشلون تنسى حبنا وانت داري
تدري بحبك حامس ٍ خاطري حمس= ومن سبتك ماعاد اميز قراري
اغلى حواسي حاسة الذوق واللمس= ومن غيبتك غابت وراحت جباري
علمي بها ياداعج العين قبل امس = يوم نتواجه يازعيم العذاري
وخليتني واقفيت مع سايق الجمس = الي على خط الفحيحيل ساري
وحبك بقى بالقلب ما ينطمس طمس= في وسط شرياني مع الدم جاري
وكتبت عشر ابيات في صفحة الهمس= لعل يجمعنا مذر الذواري