بسم الله الرحمن الرحيم
السلام عليكم ورحمة الله وبركاته
بسيطه تطلب من جناب الذائقه الرضا ولو حتى بــ/كرمِ القراءه
تفضلوها كما هي
،
،
،
،
مصيبـه لا تـدنـت قيمـتـك فــي نـاظـر الـرجّـال.=سبايـب كلـمـةٍ صــارت وهــذي مــن بـوادرهـا.
وجروف الهرج ياغـاوي تراهـا باالقـدم تنهـال.=تضـيـع بسالـفـه سهـلـه و قلـبـك دوم يذكـرهـا.
تجيب الك المصايب والمحن دام الدروب طوال.=وإذا الجال إنجـرف يابـوك رجلـك مـن يقررهـا.
يقولـون الغلـط ينـرد وأنــا لــي للغـلـط أقــوال.=عسى لسان الفتى ينقـص والشينـه مايظهرهـا.
ومصيبـه كلمـةٍ مظهورهـا مـن حنجـره بخبـال.=يـلابـخ فــي مـواردهـا ويلـبـخ فــي مصـادرهـا.
وأنالـي شايـبٍ قـد دقهـا فـي مسمعـي ثـم قــال.=سكوت الرجـل فـي المجلس جهنـم لا تثورهـا.
خـلـقـك الله بعـقـل.!وكـرم الـجـهــال بـالـعـقـال.=ويكفيـنـا صــواب الـعـرف وغـيـره مانـدورهـا.
يقولـون الشعـر بحـرٍ وأنـا لـي بالبحـر مدخـال.=بواخـر شايلـه شعـري وعـلـى كيـفـي أسيـرهـا.
وتسحب قلبي عروقٍ من جدودي يالين الخـال.=غيـومٍ شفـت بارقهـا وبأقصـى القلـب ماطرهـا.
خوالي تشبـر ظهـور القصايـد والجـزال جـزال.=كــرامٍ تعـطـي الـجــزلات والشـيـنـه تـوخـرهـا.
وجـدي مـن زمـن فايـت يثبـت باالجبـال إثقـال.=يـربـي فــي مـهـار الـشـعـر وبـكــاره يـقـدرهـا.
وأنا لاصارت البكـره شحمهـا مايسـاوي جبـال.=يميـن الله لا أقبرهـا بعـد مـا ذراعــي ينحـرهـا.
وإذا للخاتمـه مـسـكٍ تـراهـا (ف)كلـمـةٍ تنـقـال.=أقدمهـا بكفـوف الطيـب ومـن طيبـي أعطـرهـا.
عسـاهـا ماتـدنـى قيمـتـي فــي نـظـرة الـرجـال.=وأنـا الشينـه قبـل لاتظهـر مــن الـفـم أبقبـرهـا.