السلام عليكم ورحمة الله
أخواني وأخواتي أعضاء منتديات النخبه الكل يعرف ماهو
حاصل لأخواننا في سوريا من قتل وتشريد من قبل النظام
الدموي . وهذه القصيده جسدت فيهابعض مايدور في الساحه
اّمل أن تحوز على رضاكم .
صرخة يتيمه ثايره تقل بركان = هزت كيان المجتمع من صداها
صرخة يتيمه فجرت صبر الأنسان = تبحث عن الملجا وتاهت خطاها
صرخة يتيمه دمعها وسط الأعيان = تحكي لك الواقع بنبرة بكاها
صرخة يتيمه صوتها فيه عنوان = الكل يعرف ياعرب وش بلاها
تكفون ياللي عندكم ذرّة أيمان = البنت تنخاكم وفيكم رجاها
لاتتركون البنت لو كان ما كان = الله يكون بعونها ويحماها
مهما شكت للناس في كل الأوطان = البعض يذكرها والاخر نساها
المشكله مافيه رابح وخسران = معروفه القصه ومن هو وراها
صحيح مابه نار من غير دخان = كلمه يعرف أهدافها من قراها
مسوي الحسنه يجازى بالاحسان = ومسوي السيئه يلاقي جزاها