في سان ديغو أنتثر دمع مجموع=عّبرة وداع(ن) جاتنا مادرينا
تبكي وانا ابكي وكل واحد به أدموع=وياما تعانقنا وياما بكينا
قلت الصّبر ياعزوتي يبعد اللووع=والله يعين عباده الصابرينا
ترا البكاء مذموم ماهوب مشروع=نهو عنه اسلافنا الصالحينا
قالت لي أجّل!! ترا القلب مشلوع=لوكان بس اسبوع وتقر عينا
وحتى أيش لو أجّلت مافية منفوع=دام السفر ياداعج العين فينا
أقعد شهر والا سنة كنها أسبوع=مادام هالترحال يلزم علينا
هاذي سوات الوقت غصب(ن) بلا طوع=ياما تفرقنا وياما التقينا
وحبك ترا في داخل القلب مطبوع=لاتحسبنا لافترقنا نسينا
ما أجمل الشعر عندما يكون في الحبيب القريب وشريك الحياة وشريك الروح إيضاً
كل الدعوات لك ولها بالنجاح بالدنيا والأخرة وإن يجتمع الشمل ويسعد الإحبه
صح لسانك أخوي صالح بن شداد
مشكورة اختي ملكة القلوب ملكة الاحساس ملكة الابداع ملكة العقول ملكة القوافي الخ((((((((((
تعبيرك هذا وان دل على شئ فانه من مايدل على التأخي والترابط الاسلامي بصراحة ريحني شوي اراحك الله في الجنة و يعطيك العافية
التعديل الأخير تم بواسطة ملكة القوافي ; 28 - 05 - 10 الساعة 07:43 PM