المحاورة بتاريخ 29/12/1431هــ
علي حميدان الدجيما
ياسلام الله علي اللي بذ حيلي بالرسايل=بس مدري كم باقيله رساله ماكتبها
ادري انه شاعر(ن) فالمنتدى سوا الهوايل=بس انا ناري ليا ولعتها محد(ن) قربها
ابو هاجوس
مرحبا باللي تجاهل بالرسايل والمسايل = كم رساله منه جتني مار اشوفه ماحسبها
الدليله يالدجيما مايضيع مع الدلايل = شب نارك وانتبه لاتصير من تالي حطبها
علي حميدان الدجيما
البقا وانا بعيده هقوتي والشك زايل=مير بعض الناس تبغا نكبتي والله نكبها
فيه ناسن(ن) ماسرت فالليل وتضيع القوايل=والعقارب سمها في راسها ولاذنبها
ابو هاجوس
سرها واللي معك ضاري على سج الاصايل = هد شحنت نفسك اللي ماعرفنا وش سببها
لبسوك الناس بشت وثوب وعقال متمايل = وانت ماعندك مهر والبنت تتعب من خطبها
علي حميدان الدجيما
سجها وانا معي زند(ن) يولع فالفتايل=الدجيما مابقي فالارض اصيله ماركبها
مالبست الا لباس المرجله والراس طايل=وانت تكبر لحيتك لاكن مايكبر شنبها
ابو هاجوس
انت زندك مايبرد عنك زايدة الغلايل = لو مدحت النفس باقيلك شوي وتستحبها
انت اضنك من هوات البل معبست الشمايل = مار لو ضويتها ماتاجد اللي تحتبلها
علي حميدان الدجيما
لاتخليني عليك اضحك عيال الحمايل=الفهيم اللي ليا وصوه بو صاتن قضبها
وانت تاكلك مطباتن كبر ضلعان حايل=مره اتناطح نحور القوم ومرار اتعقبها
ابو هاجوس
الحقيقه ضحكهم على مضوين الهزايل = كل واحد يلتفت في لقمته واللي تربها
والله اني كنت اضن بخير ياسود المخايل = المخايل فرقت ماذاق ماها من طلبها
علي حميدان الدجيما
ان بغينا نشتري ونبيع بسلوم القبايل=ماتوفق راعي السلعه ليامنه جلبها
ولا لقيت الا البعير اللي عليه الحمل مايل=والنياق اللي على الجره مكسرها جربها
ابو هاجوس
روحت ياعلي مافيها نصيب ولا عقايل = سلعت الفقران يخسر سوقها واللي كسبها
البعير شعيل ماهمه محلبت العدايل = والنياق الله يبارك فيك قلي من عربها