المحاورة بتاريخ 29/12/1431هـــ
بدر الحويمضي
سلام رديه لها معنى يعبرها الضمير = تقدير لاهل المنتدى اللي عالين مقدارها
قالو ولد غازي يغير وقلت لو انه يغير = ليته ليا منه لقى الصعبه يدور غارها
محمد غازي الميزاني
يامرحبا باللي على السيره مواصل فالمسير=المعرفه باسرارها والملعبه باسرارها
انكان ماتدرى الخطر تراك في ماقف خطير= مد النضر حتى نعرف العين وش منضارها
بدر الحويمضي
المعرفه حظ ونصيب وصاحب المعروف غير = وليا بغيت الصدق اعرف امطير مانت اسوارها
الحمد لله ماوردت العد بالحبل القصير = والناس من تفكيرها نقدر نعرف افكارها
محمد غازي الميزاني
تبى تشب النار مير الزند يقدح في غدير= وحنا معزتنا لنا تريخنا مختارها
ماكل من رفرف بجنحانه يبى يقدر يطير= ياحرب من عبر بكلماته فقد معبارها
بدر الحويمضي
والله لاشب النار بمحمد يصير اللي يصير = والشك بزنود الرخى اللي ماتولع نارها
إي والله ادري ماينوخ للحمول الا البعير = هل تعلم ان اللي يقدم بالرجال اخيارها؟؟؟
محمد غازي الميزاني
اللي يكثر بالوعيد اكيد ماحدد مصير= نشرة نبى الاخبار ماجتنا بصدق اخبارها
راعي طميه بالعلوم يدير مدري يستدير = وكلمة هل التوحيد حنا يالحروب انصارها
بدر الحويمضي
انا على الوقفه يابن غازي مثل حد الشطير = والوارده تارد وشرهتها على مصدارها
اللي يوسوس في عقول اهل الوفى مافيه خير = ومطير قومٍ ماتجي بديار غير اديارها
محمد غازي الميزاني
انته كفو مار الاداره يابدر حق المدير = ودي نسجلها حضور ولا لقيت احضارها
تجذع من الواقع ولاتقدر عن الواقع تنير =آمطير بقطار الجزيره سيطرت فا اقطارها
بدر الحويمضي
ولا عليكم زود والمشلح تفصل للامير = ارفع نضرك وحرب من بدري بعيد انضارها
مدام تجهلك الحقيقه روح شاور وستشير = ترى طوال الخيل ماترجع خلاف اقصارها
محمد غازي الميزاني
انته يجرك للخطى والمخطيه سلك الحرير =ياجاهل الدعوى جهلك اصله سبب فانكارها
انا بمعرفتي وبدراكي ماوكل لي نظير =تبرق مخايلكم وترعد ماتهل امطارها
غير متواجد حالياً
رد: المطلوب محمد غازي
