اقتباس:
المشاركة الأصلية كتبت بواسطة مسند مازن الزحزوح
ياراكب اللي نازح البعد يطويه=جيبً بلون البيج ولا رمادي
نصه ديارً صيدها تحتفظ فيه=يالله نجيها بالجيوب الجدادي
وانا معي حرً طوال مواميه=مجربً بالفعل علمً وكادي
ونصيت به جونً يضيع النظر فيه=وتل السبوق وصار طلعه وكادي
وطلع على خربً كبارً مواطيه=وتعرضه يونس براسه عنادي
وناشه بمخلابً يضيع الرجاء فيه=وتفرشه فالقاع بأول هدادي
هذا غرامي فالولع كيف اخليه=من ينصح المغرم من الناس غادي
راع الولع فالبر مشيه يعافيه=ويم البلد كنه لسجنه يقادي
مسكين من ماله من الناس مشقيه=يطرد وراء الدنيا وهي للنفادي
يطرد وراها والشقاء بينً فيه= يا جامع البيزات وين انت غادي
ومحدن ذكر فضله الى حل طاريه=فعل الردى والبخل فيه امتمادي
ياكل لحوم الناس وابليس مغويه=والطيب والنوماس عنه امتحادي
الرجل من هرجه تبين مواريه=يبين لك صنديد ولا ربادي
وهرج القفاء فالناس ماني براعيه=وعن مجلس الأنذال دايم حيادي
و رجلً لفعل الخير كثرت مساعيه=خلك جليسن له بجنب الشدادي
قرمً إلى جات الصعيبات ترجيه=يجيك لو أنه بنفسه يفادي
والسيل جنب لا تجي في مناحيه=ولا يجي منزلك في وسط وادي
وسلامتكم ..
|
الله ..الله قصيدة الشعراء الجزلين لا تأتي إلا جزلة مثل هذه ...صح لسانك يا أبو نافع وسلمت لنا يا عميد شعراء منتديات الموازين الأولى و الرسميه
والله يلومك في المقانيص والطير وخوة النشاما , والخروج من البلد للبريه تشفي الروح وتزيل الهموم من الصدر
وذكرتني ببيتك هذا
والسيل جنب لا تجي في مناحيه=ولا يجي منزلك في وسط وادي
ببيت لوالدي رحمه الله حيث يقول رحمه الله:
وأعرف ترى الوادي من السيل يعتار×××لو جازلك أياك تنزل مسـيله
وقد أطلت علينا الغياب يا أبو نافع ومن طول الغيبات جاب الغنايم