ماذا فعل محمد دابس باحد شعراء عتيبه قبل البارحه

السلات
يامحمد بالثلاث الفاتنه مبتوته -- ما تحل لشخصي الا بعد شخص ثاني
كنت افكرها رزين وبالبها مبهوته -- وثرها بلوى عسى المعبودمايبلاني
ورد محمد

لعبت الكوره ياشاعر روق شوته شوته -- وانت لو تلعب مع العاني تروح تعاني

لاتجي نوره واخو نوره هزمك بصوته -- عاملول يم اخذكم كلكم من داني

السلات

لعبت الكوره بفن وحرفنه والفوته-- من نصيبي وانت تدري مير يالميزاني

لاتحاول تستهيض العالم المكبوته-- المهند في يميني واحصان احصاني

رد محمد

الحقيقه يجهل الرجل ساعة موته -- وانت فنك فن لاكن وش وراى الفناني

كان شفت البحر رزقه مايكفي حوته -- انت ما لله حاشرك تاطا على النيراني

رد السلات

ددسن محمدعلى بديه تضخ زيوته -- مير ليته بايعه ومبدله بالماني

وكان همه في حياته بس يجمع قوته -- بالثلاث وعن لزومي مايحيد لساني

رد محمد

حالفن باللي علا خلقه علا جبروته -- لفتح التحقيق معك وتلعن الشيطاني

ياولاة الامر فيه القنبله موقوته -- اطرحوه وربطوه وسلوو الشاماني

رد السلات

انت ورعن لفرح اليا جبتله بسكوته -- اترك التحقيق وانته من حساب اخواني

ياولاة الامر هذا محمد المشموته -- سيرته ولا العتيبي يلطم العدواني

رد محمد

انت هرجك مايفيدك والصحيح تفوته -- كل ماغنيت واليا هرجتك مجاني

يالعتيبي يالعتيبي والنهايه هوته -- طاق يامطاق علم ربعك العتباني

رد السلات

العتيبي راحولله ماتشوف اسبوته -- لثريا وجهته وانته مكانك داني

والنهايه كان تبغي الكلمه المثبوته طاق طاق من المطيري تنحر المطراني

رد محمد

المطيري والله انك ماتساوي بوته -- لنزلتوا وان عليتوا من تحت حذياني

رحت مثل الميت اللي في وسط تابوته -- تقتبس هرجي وفي بحر القشر تحداني

رد السلات

حطحذيانك بفمك وكلمتك منكوته -- فوق راسك باكثر الاشكال ولالواني

محاورة رائعة .

حاول العتيبي الدخول من باب الأحداث الأخيرة وكأنه يريد اسقاط مثل هذه الاحداث على وطننا العزيز وكان له الشاعر محمد بن دابس بالمرصد مما أدى لمحاولة العتيبي أن يتخارج من المعنى .


محاورة جميلة , وسؤالي عن اي حفل كانت فيه ومن كان معهم من الشعراء .

معناهم ينطبق على شيين إذا ما خاب ظني بالثلاث ردود الأولى ومعها كذا بيت وبعدها ليتهم لم يكملو