مرثية تركي 2000 في عبدالله العير

لو الدمـوع تـرد عبـدالله العـار=والله لبكـي ليـن عينـي تشوفـه
ويبكي معي صفة قبايـل وشعـار=ورجال من بين الرجـال معروفـه
لكن حكم الله ما يمنع ليـا صـار=وأمره على اللي يقصده ما يطوفـه
مرحوم يا للي لك معـزة ومقـدار=يا الصاحب اللي موت مثلك حسوفه
عساك في الفردوس مع سيد الأبرار=وعسى سنين العمر فيك امخلوفـه
اخذت لك في صفحة الشعر مشوار=وبنيت بيـت معجـزات وصوفـه
ولك وقفة تشهد لها كبار وصغـار=لا صار نهارا فية صولـة وجولـه
كنك معي في المعركة سيف بتـار=لن قيل كلا نجدتـة مـن سيوفـه
اثقل من الجولان والضلع سنجـار=لا هب طيف الشعر واقبل صفوفـه
عليك قلبي فيه جمرة مـن النـار=ورحيلك اللي ولـع النـار جوفـه
اجـاذب الونـات والدمـع عبـار=وضلوع قلبي مـن بعـدك مكوفـه
يا ما بنينـا للمعـزة مـن جـدار=ولكـل للثانـي يشـرف وقـوفـه
واليوم راحت بك صواديف الأقـدار=وبنت الهواء صارت بعدك معيوفه
لكن مالي عـن وصيتـك معـذار=والعزوة اللـي بالفعـول معروفـه

رحم الله العير رحمة واسعه وصح الله لسانك ياعبدالوهاب وصح الله لسان شاعرها تركي الميزاني

الله يرحم الشاعر الكبير عبدالله العير وصح لسان الشاعر تركي الميزاني على هذه القصيده الرثئيه ..

والله لايهينك على النقل ..

سلطان الميزاني.

صح لسان ابو عطا الله والله يرحم الشاعر العير

ومشكور اخوي عبدالوهاب وماقصرت يالغالي

تسلـم يـآغـآلي ولآهنــت فـي نقلـك والله يـرحمـه ويسكـنه فـسيح جنـآتـهٍ‘

هلا بكم لا شكر على واجب ،،،،،،،،

صح لسانك يا ابو عطاالله والله يا الطوال في عمرك

صح لسان الشاعر الكبير تركي عطالله ورحم الله عبدالله العار وأسكنه فسيح جنانه

هلاوغلا يابن صحران ويا ابن صحران توا منوار الموووضوع يالغالين