ياقلب لاتنخدع لاكثرة اشطونك

ياقلـب لاتنـخـدع لاكـثـرة اشطـونـك
دور رياض الفضى واتبع نسانيسـه
حـــذراك لاتـعــز قـــومٍ مايـعـزونـك
خلك حيادي واخـذ عبـره وتدريسـه
لوشفت منهو تحب يصد مـن دونـك
خلـه علـى صدتـه واقلـع مراميـسـه
تعرف عنه لو نظـرت زيـن بعيونـك
يـصـد ويـلــد دامـرتــه وسـاويـسـه
اهـل الـردى بالـردى لازم يبيعـونـك
كــلٍ عـلـى نيـتـه ومخـطـط ابليـسـه
وفي مجلس الخيـر والله مايدانونـك
كلن على مانـوى يرسـل جواسيسـه
بالكـذب والمـدح زادو فيـه يغرونـك
والى طلبـت الحقيقـه صـار تفليسـه
لاتامـن اليـوم ناسـن فيـه يجفـونـك
تصبح وتمسي كذا بقلـوب خسيسـه
اليـوم ثاثـق مـن الرجـال ويخـونـك
ويلبسك ثوب عكس الناس تلبيسـه
يلعن سريرتك عنـد عـداك بطعونـك
ويحط بك شي ماهو صـح تهويسـه
لويقـدر العفـن حـط السـم بسنـونـك
وانته تظنه يشيل الخيـر فـي كيسـه
ياصاحب المقلبه حاسب على هونك
اشهود ضبط الوقايع معـك حريسـه
ملايـكـه مـعـك ماتعـمـل يشوفـونـك
تكتـب وتقـرا الـرب الـكـون قديـسـه
الحمـل ماهـو بسيـط تشيلـه متونـك
عذاب طول الحياه وعيشـه اتعيسـه
والاخــره دور اصـحـابـك يفـكـونـك
مايقبـل العـذر منـك وفيـك تدنيـسـه
احسن ترد الحقوق وتبني حصونـك
قـدامـك القـبـر مابالـقـبـر تونـيـسـه
تنظر ترى ماعملته قبل فـي شونـك
سجل على الادمـي حتـى هواجيسـه
الامر ماهـو بسيـط وتقـول يعفونـك
عنـد الله الامــر والاعـمـال تقييـسـه


سلمت اناملك على النقل الرائع

صح لسان الشاعر / نفل المريبيط

ولاهنت على النقل اخوي جبر
.

صح ابدنتكم .. وشاكر لكم الحضور

تقديري..|~

صح لسان الشاعر