يانجمة الليل ماأشوفك بضوء النهار=وأنا لشوفتك يانجمه شديد الوله
أظن لك في الفضا منزل وأنا لي مدار=جاء لك بقلبي مدارٍ كامل ومنزله
ماعن متابع ظهورك في مدارك فرار=أفرقك بين النجوم الهدًف المشعله
من مصرف الراجحي بين البلد والمطار=غادرتني بين شعب جياد والمسفله
من واين يانجمه الك من الجواب الخيار؟=والمعذره لو رأيتي في السؤال عجله
أنا على الباب أبا أدخل وإنحرقت انتظار=واللفه يسار مال الصدر من يعدله
تقارب الشوف في لحظه وقوف اضطرار=والخطوه الخطوه بداية عذاب وصله
عاينت واويت أبا أسند في قوي الجدار=ماعاد لي حيل رجل الجسم ماتحمله
سبحان معطيك مع سحر الجمال الوقار=سبحان من بين نهدينك زرع قنبله
في الصدر سلسال والمعصم زهاه السوار=والرمش هف النسيم العذب مايمهله
تسامق الجسم مع رفت وهزت دمار=من حنيت الخصر للركبه جبل وسهله
طبيعة الجنًه الغنًاء هناء وازدهار=فيها مثيرات حس المفتتن مذهله
يابو سمر ليتني يممت سوق الخضار=ابتاع روثان من تمر الوشم وآكله
بهذلت حالي بسبري للنجوم الكبار=وأنا أشهد إن التعلق بالسمو مشكله
عاين على قد حالك في طبيعه ودار=ويفكك الله من التسويف والبهذله