الى ابن جفين او الي ينوب ! !

كفو يالسيف القآطع واعذرنآ عن القصوور واشكر الحآضرين كلهم

كفوك الطيب يابحار وماحصل قصور واشكر كل من شجع وتابع لاهنتوو وعلى راسهم المشرف والمنسق ابو راكان وتصبحون على خير تحياتي للجميع

بحار
يامرحبا بالرجال الـي تفـك الدخيـل=الـي ليـا جيتهـا ماعنـت حصانهـا
ياملفي اقرب وهات الي معك من حصيل=لـك بندقيـه وتمسـح دوم نيشآنـهـآ


السيف القاطع
دام البقاء ياعميلن جاء يبيله عميل=ماحصل العالم اللي جاء على شانها
انكان ثوبك طلع قصير ولا طويل=ماعاد تنظر لك العربان بعيانهـا


بحار
يالسيف لازم تحد السيف قبل الصقيل=واحذر ترا الخيل لازالت بميدانهـا
اعرف تراني من الي طرقته كل ليل=واقدر الناس مـن تقديـر نسوانهـا


السيف القاطع
السيف محدود كاننك تريد اتحليـل=والخيل تبغاء رجالن تمسك ارسانها
لو طرقتك كيل وصرت مومي شليل=الطيبـه عانهـا والثانيـه عانـهـا


بحار
ياراعي السيف وش رايك تخض الصميل=مالـك ومـال السفينـه عنـد ربآنهـآ
لاهنت يالـي تبًـرك للحمـول وتشيـل=ماتـارد الا علـى بقـعـا وعربانـهـا


السيف القاطع
ياشعيل حملك يبا يبقى بضهرك ثقيل=احمولنا كايده بضهور حيرانهـا
الضاهر انك مضرا للحمل ياشعيـل=حاشي ولن شفت حمله تبرك اوزانها


بحار
بالله ابنشدك ليه الحمل فوقك يميل=انهض ونار المعزه ثـار دخانهـا
حيرانكم واعناها لاوطاها المسيـل=ترجع لشبك امها من سوق رعيانها


السيف القاطع
انته تحاول لاكن اللي تبا مستحيل=لا واعنا نفسك اللي ثار شيطانها
لاكن رح للخلا منت بلنا خليـل=مادام هاذي علومك بان عنوانها


بحار
انته علامك تثورهـا بليـا دليـل=لد النظر فالعجوز وعد ورعانهـا
اليا نشدو عنك قلنا فالمواقف حليل=والارض ياكثر ماناطى لديبانهـا


السيف القاطع
ان ثورت وقعت في وسط وجه الهبيل=رصاصتـن ثايـره يعميـه دخانهـا
اليا انشدو عنك قلنا ذا لطيف وجميـل=وان جوه الاصحاب طيب قام في شانها


بحار
ياللاسف انا خابرك قدام هاذي زميل=لكن بنت العرب في حكم عمانهـا
يالربع بالله من يقدر يجيب البديـل=مادم بعض الهروج يميل ميزانهـا

السيف القاطع
زميل في حال ولا حال منت بخليل=بنت العرب ماتناسب غير خلانها
انته علومك جديده ياجديد المديـل=اعلوم الاطفال ماتصلح لشيبانهـا

محاورة رائعه وقد فاتتنا وصح السنة الشعار وقد قرأت المحاورة وكانت الأبيات ذات معنى وسجال جميل ...

صح لسانك يا بحار المعاني وأهلاً وسهلاً بك بيننا وقد كسبنا شاعراً مبدعاً وتم نقلك لمجموعة المميزين ومنحك مسمى شاعر لشاعريتك الواضحه.

السيف القاطع أنت دائماً مبدع ورائع ومكفي وموفي ولا هنت فقد امتعتنا بهذه المحاورة التي كانت سجال رائع بينكما

صحت السنتكم

أبن مصاول

ابن مصاول صح بدنك ولاهنت وشهادة اعتز فيها من شاعر وناقد كبير مثل ابن مصاول
وعساني عند حسن الضن دايماً اشكر لك شعورك وطيب ذوقك وتقبل جل احترامي وتقديري

ابو راكان صح بدنك ولاهنت شاكرين ومقدرين جهودك المستمره في التنسيق بين الشعراء وتنسيق المحاوره وتواجدك وتشجيعك لشعراء وذا صحت العباره فنت الرجل المناسب في المكان المناسب تحياتي لك ولكل من شجع وتابع لاهنتم

ابن مصاول لاهنت يالغلا ع المرووور