سهمآ يطيح بهامتي لامكنها

ادخل بجوفي وسكن الجوف ورتاح = وشوف العروق اليابسه وحتضنها
ترا مباقي فالعمر كثر مراح = ولافيه مخلوقن حياته ضمنها
ياللي فتحت الجوف من دون مفتاح = ضمايري مغيرك احدن سكنها
كان الغلا له ريش وعروق وجناح = غلاك كل اطراف جسمي فتنها
لاصار تملك شلف وسيوف ورماح = سلمتلك روحي ولبغا ثمنها
تفداك روحن معرفت درب الافراح = كود الهموم القاتله تختزنها
حرام كثر الصد والهجر ياصاح = كل شي سوه غير ذي جوزعنها
اوقعتني فالحب والحب ذباح = وانته مثل ماتامر الروح تنها
لك نضرتن تقضي على كل الارواح = سهمآ يطيح بهامتي لامكنها
عزالله اني طحت والراس ماطاح = انكانها صدت وقفا ضعنها

ياسلام عليك يابو حسين

درر من راس ٍ جزل


حي والله ذا الراس ياخال



وصح لسانك حتى ترضا
شاعر جزل بمعنى الكلمه

صح لسان شاعرنا ابوحسين

ومشكور الدجيما على النقل

صح لسان شاعرها

مشكور اخوي

الدجيما على النقل

ابن مشدد وجبر الخواطر

القصيده ليست منقوله وابو حسين هو الدجيما نفسه الذي نزل القصيده ارجو الانتباه

المشاركة الأصلية كتبت بواسطة ابن غلاب

ابن مشدد وجبر الخواطر

القصيده ليست منقوله وابو حسين هو الدجيما نفسه الذي نزل القصيده ارجو الانتباه

انا لما اطلعت لمواضيع اخوي الدجيما لقيت احد مواضيعه قصيده للشاعر علي حميدان ابوحسين

فاتوقعت ان الدجيما هو من يقوم بتنزيل قصائد شاعرنا المميز/علي حميدان الدجيما وانا عندي عتب على

ابوحسين فهو شاعرله قصائد جميله ولابد ان تكون هذه القصائد باسمه كامل وليست العائله فقط لانه

يستاهل الاشاده وكذلك يتعرفوا عليه ابناء عمومته وكل من يتصفح هذا المنتدى الرائع

وتحياتي شاعرنا ابن غلاب

اشكر جميع الاخوان الذين شاهد الموضوع واشكرهم على توجيهاتهم التي لااستغني عنها واما كلمة شاعر كبير اوشاعر جزل فانا اعتذر للاخوان بانني ليسى استحق هاذا اللقب او الاسم لحيث يوجد شعار اكبر مني واجزل مني ويستحقون الاشاده بهم واما انا فانا اصغر شاعر اذا كان فيه مسميات او تقييم
ولكم تحياتي

الأخ الشاعر الراقي علي حميدان الدجيما الذي بإنضمامه لنا كسبنا شاعراً جزلاً ...

ما أضفته هنا قصيدة قد أبحرت بنا من خلالها الى عالم الجمال والجزالة فصح لسانك وسلم بنانك ..

وننتظر الكثير منك فأنت مقل في إظافة أشعارك وصدقني منتديات الموازين سوف تنقل أشعارك الى اكبر شريحة من الموازين ومطير ولكل متذوقي الشعر النبطي وأنا أضم صوتي لصوت البناخي العزيز أبن مشدد فأنا أفضل كتابة أسمك مثلاً (علي حميدان الدجيما) أو (علي الدجيما) كما تحب وانا مستعد ان اغيره لك متى ما شئت..

ونحن دائماً في خدمة شعراء الموازين ومطير وكل القبائل العربية فمثل الشعراء هم من نحرص على تواجدهم لإنهم هم المكسب لكل منتدى..

أبن مصاول

صـــح لــســانـك