قصيدة لهايف بن نعيم (قصيدة التبرع بالكبد)

هذه القصيدة قالها الشاعر في عيد المطيري عندما أعطى أبوه نصف كبدة عندما كان مريضاً بتليف الكبد

بديت ذكـر الله بشكـرٍ وتمجيــد=اللي خلق سبع اللغات وفهمها
سبحان ربٍ سكن الموت بالجيد=يتابع الأنفـس ليا خر نسمها
الله هو اللي يبدي الخلق ويعيـد=إن شا يبيد الناس وإن شا رحمها
مأحصي لفضل الله علينا تعاديد=عطى النفوس حقوقها ما ظلما
الناس واحد والفرق بالأجاويـد=اللي على الطاله قويـه هممها
أهدي تحياتي إلى خالنا عيـد=ابن الرجال اللي ثمينـه قيمها
يوم الأطبا قرروا بالمواعيـد=بينه وبين أبوه كبـده قسمها
بولايةٍ في مغرب الشمس وبعيد=يعيش شبـلاً والـدينه خدمها
عيد المطيري فاز بين الأواليد=ساهم على أكبر جائزه وستلمها
هذا هدفنا وأقصدوا يا قواصيد=وكلاٍ بيوته بصحيح يختمهـا

شاعرغطفان / هايف بن نعيم البديري المطيري رحمه الله واسكنه فسيح جناته ..

نقلاً عن هزاع بن هايف البديري



اخوكم أبن مصاول

أحسنت أخوي ابن مصاول على نقلك الموفق وحقيقة ذكرتني ببيت للشاعر المرحوم ابن نعيم في المطران هو من أجمل ما قرأت في الشعر النبطي وهو:

أخير الناس في أيام الجواهل= وأخير الناس يومنا اهتدينا

أخي أبن مدلج اشكرك للمرور المميز والتعليق المميز ولإدراج البيت الرائع لشاعر غطفان رحمه الله وقد كان أنموذجاً رحمة الله عليه للشاعر الإعلامي للقبيلة من الدرجة الأولى.

رحم الله الجميع...ولا تنسونا من أشعار بن نعيم لأنه يستحق أن تنشر قصائده وأن يخدم على اوسع نطاق.



أبن مصاول

المشاركة الأصلية كتبت بواسطة أبن مصاول

أخي أبن مدلج اشكرك للمرور المميز والتعليق المميز ولإدراج البيت الرائع لشاعر غطفان رحمه الله وقد كان أنموذجاً رحمة الله عليه للشاعر الإعلامي للقبيلة من الدرجة الأولى.

رحم الله الجميع...ولا تنسونا من أشعار بن نعيم لأنه يستحق أن تنشر قصائده وأن يخدم على اوسع نطاق.



أبن مصاول

الشكر لك يا بن مصاول .... ورحم الله شاعرنا وأموات المسلمين