سلطان بن وسام الهاجري ورائعته(الليالي)

ياوجودي علي الراحه وياوجد حالـي =ليت مالـي مـع الشعـار ولا نشيـده
الليالـي مشاكلهـا عـراض طوالـي =للنفوس الشقيه والنفـوس السعيـده
غارةٍ من يمين وغارةٍ مـن شمالـي =توهمك بالهدوء وعاصفتهـا شديـده
هب ياذالزمان اللـي غزانـي لحالـي =كل يوم على الهاتف يجينـي قصيـده
ذي معاتب حبيب وذي مشاريه غالـي =وذي تخفض من السكر وهذي تزيـده
والعرب علمهم بي يوم صدري شمالي =والليالي ما قفت بـه لايمكـن تعيـده
روحت مع مهـب الريـح ياهملالـي =ماحد جت له الدنيـا علـي مايريـده
والتجارب عطتنـا ميـزه الاحتمالـي =ودرستنـا مشاويـر الحيـاه البعيـده
ان مابـه حيـاه الا وراهـا زوالـي =والبنـادم بهالدنيـا شبوحـه بعيـده
مير ماهيب لامكسـب ولاراس مالـي =كود من حط قولت والنعم في رصيـده
وطاب عند البعيد وطاب عند الموالـي =وله نصيب الاسد من الخصال الحميده
وان تثنت عزوم مشوربيـن العيالـي =عزمه اقوى من ظروف الحياه العنيده
يرتكـي بالمناكـب للحمـول الثقالـي =والظفر في راسه المطنوخ والا وريده
خل فعل الجدود وخل فعـل الخوالـي =ندري انك ولدهـم والعلاقـه وطيـده
وندري ان فعلهم يستر بنات الحلالـي =حتي لو جدك اكحيلان وانتـه حفيـده
اما حث القدم واطلع علي راس عالي =والا خلك كذا وان مت ما انت بفقيده!!

سلطان بن وسام الهاجري


أبن مصاول : اما حث القدم واطلع علي راس عالي ***والا خلك كذا وان مت ما انت بفقيده!!

	مير ماهيب لامكسـب ولاراس مالـي كود من حط قولت والنعم في رصيـده

وانتم يا منتديات الموازين ونعم فيكم

اشكرك اخوي ابن مصاول على النقله المميزه


تقبلوا مروري

اخوكم ابن صحران

حياك ابن صحران وسبعة انعام فيك وفي اللابة اللي انت منهم سرني مرورك وتعليقك الجميل


أبن مصاول

صح لسان الشاعر وتسلم يمينك على النقل يابن مصاول..


سلطان القحم