حبيب العازمي&عبدالحميد الفهمي ((جديد))

حبيب العازمي


سلام ياللي صفكم مع صفنا ناقف جميع ***يوم القبايل في مواقفها تصف صفوفها


الله يبارك للزبون المشتري واللي يبيع ***والله يبارك في اللزوم اللي تجي بظروفها


عبدالحميد الفهمي


يامرحبا والصف واحد والمواقف ماتضيع*** يامرحبا عند الرجال اللي تعز ضيوفها


الله يعين المستطيع ولا يبارك في المطيع ***الله ولا بعض النفوس اللي خفياً خوفها


حبيب العازمي


الله يبارك فيك ويقويك ياصدر الوسيع ***والناس لولا الجود ماشفت الشحم في كفوفها
عبدالحميد اللي يبا يلحق على نبت الربيع***مرت عليه سيول جده ماتقول يشوفها


عبدالحميد الفهمي


أحب صحبة صاحباً رايع ويبدي كل ريع ***محسوب مايحسب حساب أجلوسها ووقوفها


عبدالحميد موثقاً سده وله سداً منيع***طوفان جده ماقرب مني وأنا ماطوفها


حبيب العازمي


من ماضي الايام مايقوى الشجيع الا الشجيع***والمعركه بإرجالها وإرماحها وسيوفها


العفو عند المقدره ياصاحب القدر الرفيع ***والناس منتها لياء ضاقت على معروفها


عبدالحميد الفهمي


طماع وأنته لك سنه وأكثر طعامك من ضريع *** يامل نفساً جافيه من زود مافي جوفها


الراي رايك والوداعه مايضيعها الوديع ***لكن يالله تحمي العربان من ملقوفها


حبيب العازمي


شربت من وبل المطر يوم البروق لها لميع ***والياء قبضت شدادها ليه ألتفت لردوفها


تسعين سياره تقابلني مع الخط السريع*** واشكالها متخالفه وارقامها وحروفها


عبدالحميد الفهمي
لاشك من يسبح مع التيار مايمسي صريع***والنار ماهي والعه لين الهبوب تلوفها
ماحد يلوم الا هل التصنيع وأصحاب الصنيع***أهل التجاره يامغطاها ويامكشوفها


حبيب العازمي
أن كان ماسبعك رايك مايسبعك السبيع***لاتنقل المشعاب للاجناب لين تحوفها
تنحاش من شوك السلم وتطيح في شوك النقيع***وأهل الدفوف من الطر ب قامت تدق دفوفها
عبدالحميد الفهمي
بعض الكماليات من زود النعم يابن منيع ***الدين يسر وكل نفساً قانعه بشفوفها
ويش عاد أقلك والكاعه ماتجي الا من لكيع***كلاً يحب الشجره اللي دانيات قطوفها


حبيب العازمي
لاوالله اللى ضاع صوتك في الاذاعه يالمذيع***وانت متلحف بالعباءه اللي يهول صوفها

ابداع من الشاعرين . والغريبة ان الشاعر عبد الحميد ممن يجيد المحاورة وليس له ظهور اعلامي

محاورة قوية .

صحت السن الشاعرين .

المشاركة الأصلية كتبت بواسطة نادر الاحرار

ابداع من الشاعرين . والغريبة ان الشاعر عبد الحميد ممن يجيد المحاورة وليس له ظهور اعلامي

الابداع مرورك وتعليقك وبالفعل شارعنا مظلوم اعلامياً

ولكن متأملين خير في مسابقة شاعر المعنى

المشاركة الأصلية كتبت بواسطة سالم رباح;43
[CENTER

محاورة قوية .

صحت السن الشاعرين .[/CENTER]
4079].

وانا للأمانه مانشرتها هنا الا لكي استمتع بتعليقات المميزه يااستاذي الكريم

مشكور اخوي على مانقلت ويعطيك العافية

المشاركة الأصلية كتبت بواسطة بيرق فهم

وانا للأمانه مانشرتها هنا الا لكي استمتع بتعليقات المميزه يااستاذي الكريم

المحاورة تتحدث في رمزيتها ألى مشاركة الشاعر عبدالحميد الفهمي في شاعر المعنى ( زبون ) تجارة , ( يشري ) تصويت , ( يبيع ) على الجماهير شعر , و( الظروف ) المختومة هي المعنى الذي يبعثه أعضاء لجنة التحكيم .

الله يبارك للزبون المشتري واللي يبيع ***والله يبارك في اللزوم اللي تجي بظروفها




حبيب يلوم الفهمي على مشاركته في مثل هذه البرامج التجارية الفاشلة في طريقة اعدادها والتي لاتخدم الشاعر بقدر خدمة المنتفعين من ملاك القنوات , والفهمي يقول أنني أثق بصداقة محبي وأني لا اكلف عليهم فمن يستطيع التصويت فبارك الله فيه وله الشكر ومن لايستطيع فلانكلف عليه ( ولايبارك في المطيع ) ربما يقصد الفهمي الفقير الذي يصوت ويرهق نفسه ويطيع من يصر عليه بالتصويت فهذا يعترض الفهمي على تصويته له , وأنما الطلب من المستطيع الذي يجد قدرة على دعمه ولو بقليل .

يستمر النقاش ويوضح الفهمي أن مايمنع الشعراء المعروفين من المشاركة هو خوفهم من انحسار جماهيريتهم واحراجهم ,,


الله ولابعض النفوس اللي خفياً خوفها



لكن حبيب بصورة رائعة يقول أني حصلت على اعلى مكان في الشعر حينما كان كبار الشعراء في الساحة , فأذا كسبت هذه المنزلة لماذا أنزل نفسي لأشياء ليست من مقامي مثل المشاركة في مثل هذه البرامج السخيفة :

شربت من وبل المطر يوم البروق لها لميع ***واليا قضبت شدادها ليه ألتفت لردوفها


ويوضح حبيب أنه يمر عليه كثير من الشعراء من كل ديرة , ومن كل برنامج , فبعضهم خرج من برامج شعرية وكسب شهرة , وبعضهم اشهره صوته , وبعضهم شعراء مخضرمين , وبعضهم شعراء مجيدين , وبعضهم شعراء ضعفاء , فيقول أني عرفت طبيعة الشعراء , وللجميع الحق أن يحاول الوصول بالطريقة التي تعجبه :

تسعين سياره تقابلني مع الخط السريع*** واشكالها متخالفه وارقامها وحروفها

يعطيك الف عاااافية