يا أبوي من بعدك لحقني ملاحيق=من وقت غير فرحتي شي ثاني
كُتب : [ 13 - 04 - 10
- 10:14 PM ]
صاح الزمان وذقت مر المذاويق=غدر الزمن يا ناس ماله ضماني
عشت الزمان عتاب في لحظة الضيق=وش السبب في ضيقتي يا زماني
اسرح مع الضيقه والأحزان وافيق=واشكي من الأيام ضيق المكاني
الناس تفطر والمتيم على الريق=والناس تفرح والمعذب يعاني
له دمعة بالعين وجرح المعاليق=يا وقت يا وقت العنا وش رماني
اطالع الفرحه بعيون المخاليق=وابكي بدمع الحزن واضحك تهاني
جنبت درب الحب وهمس العشاشيق=ولقيت حرف الياس بخط الأماني
اللي بحياتي ما عطاني مواثيق=لاجت وفاتي وش نفع لا بكاني
موت المعزة ولا حياة المغاليق=ماتت قلوب الناس وضاع الحناني
يا أبوي من بعدك لحقني ملاحيق=من وقت غير فرحتي شي ثاني
صار الفرح بالقلب نار وتحاريق=وأنثر دموع يتيم والوقت جاني
يا ربنا الرحمن تفرج لي الضيق=وترحم أبو برحمتك وتحماني
رد: يا أبوي من بعدك لحقني ملاحيق=من وقت غير فرحتي شي ثاني
كُتب : [ 13 - 04 - 10
- 10:26 PM ]
ابيات رائعه جداً واقول مبدعه مبدعه شاعرتنا وابيات جميله
وتقبلي اعجابي بكل بيت من هذا النص .
ولكي كل الشكر
إذا المرؤ لا يرعاك الا تكلفاً .. فدعه ولا تكثر عليه التأسفا..
ففي الناس أبدالا .. وفي الترك راحة !!..
وفي القلب صبراً للحبيبي ولو جفا
فما كل من تهوااه يهواك قلبه .. ولا كل من صافيته لك قد صفا..
اذا لم يكن صفو الوداد طبيعتا .. فلا خير في خل يجيئ تكلفاً..
ولا خير في خل يخون خليله .. ويلقاه من بعد المودة بالجفا.~
وينكر عيشاً قد تقادم عهده .. ويظهر سراً كان بالأمس في خفى
سلامُ على الدنيا اذا لم يكن بها .. صديقُصدوقُصادق الوعد منصفا ~..
رد: يا أبوي من بعدك لحقني ملاحيق=من وقت غير فرحتي شي ثاني
كُتب : [ 13 - 04 - 10
- 11:55 PM ]
صح السانك شاعرتنا سهام على القصيده المعبره عن مابي داخلك من حزناًعميقاعلى فراق والدك الله يرحمه ويسكنه الجنه وهذي حالت الدنياء .لاهنتي على هذا الابداع دائما
تقبلي مروري وتقديري