|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| تاريخ مطير وأنسابها كل مايتعلق في قبيلة مطير حمران النواظر . |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بعض الأحديات لفرسان قبيلة مطير
كُتب : [ 24 - 09 - 09
- 01:01 AM ]
بسم الله الرحمن الرحيم السلام عليكم ورحمة الله وبركاته : حداء الخيل فن بدوي معروف ولايقتصر في البادية فقط بل يعم فرسان شبة الجزيرة العربية بادية وحاضرة ويتميز بقصر الابيات ولا ينشد الا بمصاحبة الخيل عند المعارك وبعد العوده من المعارك وفي هذا الموضوع اقدم لكم بعض حداء فرسان قبيلة مطير: الشيخ سلطان بن الحميدي الدويش قالها قبل معركة الصريف الشهيرة عام 1318هـ : ياسابقي زان الطرب والكيف من يوم ابوجابر ظهر نبي نطارد مكرمين الضيف شمر هل البوش العفر اماخذيناهم بحد السيف ولا حــــــــــدونا بالـــــظفر الشيخ: فيصل بن سلطان الدويش ( الهارف ) : قطعاننا تشكي علينا اللوم بين الاديرع واللياح لابدهن من وطية المثلوم وابن حسن وبن صباح اما مع الحاكم مشن بسلوم والبدو دز بالرماح وله ايضا قبل كون رضيمة المستوي عام1324هـ : مابين حما وابرق المطلاع ربعي مروية الرماح اهل سربة يفرح بها المرتاع لاوايق الراعي وصاح ياعنك ماودي قعد هزاع مع بندر وابوفلاح العيش في كل الديار يباع والحر لا منه تنكر راح وهذه احدية للهارف فيصل بن سلطان الدويش بعد هجوم الملك عبدالعزيز وجمعه الغفير من قبايل عتيبه وسبيع وقحطان على اربعين فارس من مطير قرب المجمعة وقد انتصر الدويش والأربعين فارس وحما هو وجماعته الابل والخيل عام 1325هـ : ياشيخ مامثلك علي يويق ماجيت في درب الصباح وش انت خابر يوم جاك الضيق يوم العتيبي عنك راح لي لابة عز الرفيق وعلى العدو سم ذحاح وله ايضا بعد معركة المجمعة : جانا الجذوعي شايف له شوف مروعه ولد الامام جانا بقومان الوف وحنا اربعين بالتمام مانضرب الابالسيوف اللي يقصن العظام لعيون شقح يرتعن الخوف وسود يشادن الظلام هذه احدية لاحد فرسان قبيلة الظفير يتحدى فيصل الدويش ويغريه بوفرة الماء والمراعي في شقراء وهي من ديار الظفير شمال : ياطارش يم الدويش اذكر له الماء والربيع ترى الوعد بام الدعم بسهيلة نلعب جميع وبعد قدوم الدويش للموقع قال احدهم من الظفير : عبدان جاكم محتدم مدهر ولاذاق الربيع وانا احمد اللي لمنا حنا واخو جوزا جميع ورجحت كفة الدويش بالمعركة وقال ابن سويط شيخ الظفير : ياديرتي صارت عروس ملك عليها القايلة غدابها ولد الدويش راع العلوم الطايله وهذه احدية لاحد فرسان مطير قبل وقع القاعية والدجاني بعد معركة السبلة : قم انتبه ياغافل بالنوم خلاك من نمت بذراه الحر الاشقر طالعن بالحوم مايلتفت للي دعاه (الحر الاشقر هو الشيخ فيصل الدويش ). احدية لفارس من مطير بعد معركة القاعية 1348هـ : تحسبن الحرب ياضرمان اكل الرزيزي والشبيب فاجوك واصل والصعران وعلوى منزحة الحريب احدية للشيخ فيصل الدويش : ياواصل من للظفير مني لبن نايف وصاه نزالته خيل تغير تجيه مع وقت الصلاه الشيخ : جهز بن شرار ( ميمون ) : ياشيخ ماهو ودنا ومحيل ماشدد مقيم العد ما يسدنا نبي لنا علم يبين احدية للشيخ : جهز بن شرار ايضا : ياصايح جانا قبال اليل عدايله شول عراب شلن على عوص النضا والخيل كله رجا اللي طالبه ماخاب لعيون من دق الثمر والخيل اللي حضر من كفا الغياب احديه للفارس الشيخ : تريحيب بن شري بن بصيص ياطارش من لبو سلطان(1) ومناحي حماي البليد(2) والله لاطارد سربة العتبان لو كان خلوني وحيد صفراي اضريها على الدخان والله يفعل مايريد (1)ابوسلطان هو: محمد بن هندي بن حميد شيخ قبيلة عتيبه (2)مناحي هو:مناحي الهيضل العتيبي شيخ الدعاجين من عتيبه الفارس : خلف الرقعي من فرسان البدنا من بريه : ياسابقي عيب المنير ومن هاش مايرجع ورا الشيخ : متعب بن جبرين شيخ بني عبدالله الميسوي جاني بعلم رده رد البرا مني على راعيه واليا ركبنا جاهزات العده كم شيخ قوم مركبه نخليه لعيون من دق الثمر في خده الجادل اللي عاصي واليه الشيخ : هابس بن عشوان ( شيخ العبيات من بريه ) : ياخالد احلب للفرس والبر قدام اللزوم وان كان علقت الجرس حطوه بالوضحا الردوم حطوه في ناقة ندا من يوم طاحن الوسوم نبرا لها عن ضدها ونرمي العشا للي يحوم احديه للفارس : شريد الرويل الحميداني : ياطير الاشعاف حنا دونك يارخصنا وان قلت الاسعار نرمي الجنايز كلها لعيونك ومن ذل منا جعل ابوه بنار احديه للشيخ : عبدالله ابوقرنين ( امير الحلف من بني عبدالله ) : يافاطري مالك عليه لوم وحيد واقفوا بالطياح المرشدي خلي عشا للحوم وانا احمد الله يوم طاح احديه للفارس : حنس بن كريكر الديحاني : البارحة خلي لقيته شفته بعيني بالمنام نبي نطارد دون بيته من فوق عجلات المرام وله ايضا يرسلها للشيخ : محمد بن هندي بن حميد الذي جمع عتيبة لمهاجمة الدياحين : ياطارش مني لمحمد بن حميد انا دخيله من مزاره ليه يمهلني للمرشدي وربع الضيط ربع يرمون الوعايد ليه اي انه قادر على مواجهة المراشده والعضيان من عتيبه احديه للفارس : جدوع بن فاضي بن كريكر ( الدياحين ) : ياعلي ماشفتوا فعل رشيد ونايف اللي يفك المرزمات يوم الحسو علمن وكيد خلاف ربعي وافك المرزمات احديه للفارس : ذاير بن حمدان بن كريكر ( ضامن البل ) : الذيب اكل مارق وجر عواه والدايره ياكل شبيب ( مارق هو الضيط وشبيب هو ابن حجنه وكلاهما من فرسان وشيوخ عتيبة ) احديه للفارس : فهاد المقهوي ( ذوي سعدون من الصعران ) : غوج يشعثر بالسبيب تزها الحذا قوايمه علي انا نطحت شبيب دام الحرايب قايمه ( شبيب هو ابن حجنه العتيبي وفهاد المقهوي هو الذي اخذ الفرس من بين الابل بمعركة واخذ الدويش الفرس عرافه ) . احديه للشاعر حنيف بن سعيدان السعدوني الصعيري بعد مناخ الحرملية : ياسربة راحت هريب عود القنا سواقها ابن خضير منها عطيب سو البلا باشناقها احديه للفارس : جزاء بن محمد بن جديع بن كريكر وفيهم من ينسبها للفارس : حنس بن كريكر : عينت نوره يابراز عينتها تالي الجهام نوره تحن وتلفت تبا الفرج من شمام احديه للفارس : دحيان بن عبلان بن كريكر : نضرب على جم الخساير مايستوي مدحن بلاش لعيون زينات العشاير والغرو لباس القماش احديه للفارس : نفل بن ركب البصيلي الديحاني : ياجمعة قفت على القنطوش يوم الدلـــــــــيله دلــــــــــــهم ربعي دياحين تفك البوش جعل الذليل فدا لـــــــــــــــــهم لاصاح صياح الضحى المدغوش يرعى الدبش في ظـــــــــــلهم رفاع لبس الجوخه ام نقوش وعشرين فارس جـــــــــــــلهم جبنا معادينا نحوشه حوش وان احمد اللي ذلـــــــــــــــهم ( رفاع هو الفارس المغوار رفاع بن ركب الديحاني ) . وله ايضا : نرعاك يالوضحى الطفوح وسم العزيزي فوقها لعيون عيده جت طموح يوم امرجت في شوقها حطوا بها خيط يلوح مع الجرس وطقوقها وهذه للفارس : ذاير بن كريكر ( ضامن البل ) : عينت خلي ياخليل هو شد ولافوق ماه ابو هدب رمش ضليل ياربح تجار شراه بالقيض ماذقنا المقيل والجيش نرقع في حفاه احديه للفارس للشيخ : فيحان بن قاعد بن زريبان في معركة كنزان سنة 1331هـ : ياسابقي مامن طراد زين رمية شرود من بعيد ليا قلت ياهباس ناد حسين تشاوروا ثم اطلقوا سرهيد وهذه للشيخ : جهز بن شرار : ملحا عليهن الوسوم الباب فوق ارقابها يوم الحرايب والزحوم انا احمد اللي جابها ترى الظلايم ماتسر القوم في حظ من يسعابها وهذه للفارس للشيخ : مشاري بن زريبان : نبي نسير يم ابن سلطان الذود طارف والخطر حاديه نتبع هوا القروا مع الصمان والعمر تدبيره على واليه ماني بهراج بلا وكدان كم واحد كد بان فعلي فيه وللشيخ : حمود بن قاسي الحميداني : حمرا تومي بالشليل كن المخايل ذيلها لاقابلت خيل لخيل تفك تالي خيلها وان صاح صياح بليل الله يقوي حيلها وللشيخ : قعدان بن علي بن درويش ( امير الشطر ) : نبي نطارد خيل ابن شعلان قدام شمر والامير من فوق قب كنها الشيهان وما دبر المولى يصير الفارس ماطر بن عربيد العبيوي وله حداء في احداء معاركه... نركب علي الي جدهااا ربـــدان والعمر سيوره ويـــروح والذود يرعي بمقرن الفيوان وانا علي صفراء جمـوح وللفارس : مشعان بن مزاهب الشاطري : حنا طردنا سربة البيضان مابين جدعا والنفود من دون شقح كنها الريلان عليها امارة ابن هنود ويقول حاد من الصعران : ان كان ابن هندي نهاره سده والا علينا له نهارن ثاني طريحنا يوم اللقا نرده يوم الهزايم قادها الشيباني ويقو حاد من بني عبدالله : حنا اسرنا شايد الحنتير وامهارنا راجت عليه لعيون لباس الحرير اللي يوصينا عليه ومن حداء فرسان الدياحين امام الشريف : حنا لفينا ياشريف من نجد مرذين النضا ياما فرقنا من وليف للطير مكتوبن عشا وهذه احدية للفارس الشيخ : لافي بن معلث الديحاني : يابو لوى صاحبي قله عطه مواثيق وعهودي ان خنت ابو قذلة هله يحرم علي نقل بارودي ومن نزلتي خلف منتله اليا حل فالجيش مردودي وقال حاد من الدياحين يمتدح الفارس : محمد بن جديع بن كريكر لشجاعته وفروسيته الضاربه : وافكرتي في كل الاكوان كبارنا باهت ظناويها انا على حدوج وانت فوق حصان لك حربة ماانت بمرويها لولا محمد مبلل السيقان اصبحت ياكوبان غربتك طاويها ويقول حاد من الدياحين من الكراكره : ياطير ياللي تنهض الجنحان ياللي على النايف رقيب اربع ليال نحرس القلبان عيا يهيه النصيب ياطير ماعينت لي البيضان بعيدهم والا القريب ويقول حاد من بني عبدالله بعد معركة هدان: ياضبعة العفر وشعيب هداني دوك العشا من لابسين الجوخ ماقردك يايوم على العتباني واحدٍ اذبح والثاني شرد مفلوخ شرد بن فهيد الفارس الشيباني(1) والضيط هج براسه المنفوخ(2) (1)هذال بن فهيد الشيباني امير الشيابين من عتيبه (2)مارق الضيط امير العضيان من عتيبه] منقول
|
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
