الجادل

الجادل اللي عليها عشرتي هانت= تبشر بفرقاي يابندر ومن بكره
ماني بقايل وراها ليه مالانت=من عادتي متبع المقفي واقص اثره
فرصه وحانت ولاودي إنهاحانت=لكن مالي عذرلاهانت العشره
ماعادفيني صبر والخافيه بانت=والطيب اللي ياخذمن غاطته عبره
ماعادتفرق معاي إن زانت اوشانت=مادام هذا اول الطريق بختصره
وشلي اوش للوجع خانت وماخانت=والآدمي فالأخير نهايته حفره
ومع كل هذاماأنكرإنها كانت= الغاليه والحبيبه بس على فكره
اللي مخليني اندم بعد ماخانت= إني مخزنها في جوالي الضفره

ورد علي خالي بندر بن مطر الحلاج

قصيدتك جات مليانه ولافانت= ياحي هاك الكلام وحي هالنبره
فزيت لك من غلاوالكايده هانت=واعطيتك الرد لاتزعل ولاتشره
ياكم ناس ن من اسباب الزمن عانت =الحض منحوس والاوضاع منحدره
وإن كانك ادنتها والبنت مادانت= ولاصار عندك خطا لويازن الابره
غقطع علاقتك معها قد ماكانت=ولاتقول قلبي من الفرقاقضى صبره
مدامهافوق قطع مواصلك مانت=راع الخطاوالردى ماينقبل عذره
وإن كانهاللغلاوالحب ماصانت= الحر دايم مواقيعه على وكره
دنياك هذي تزين ايام ثم شانت=تشوف مايفرحك واتشوف ماتكره
هذاكلامي وكل السالفه بانت=وتراي عندي من اضروف الزمن خبره

صــح ألـسـنـتـهـم ويسـلـم من نقلهـا
وتقبل مروري

صح لسانك ياعبدالله وصح لسان الشاعر بندر الحلاج ..

وتسلم يمنيك على النقل ..

تقبل مروري ..

سلطان الميزاني.

صح لسانك............

صح لسانك ياالشاعر عبداللة الميزاني لاكن لي ملاحظة بسيطة على الاسم لان الشاعر عبدللة الميزاني اسوار الذهب فلوتميز اسمك يكون افضل وانت شاعر وكفو اخوك خلف عؤيدبن صلال

صحت السنتكم ياشعار تشكرون على نقل المساجله حقيقة تحياتي لكم

صح لسانك ياعبدالله نوار وصح لسان خالك بندر


وتقبل مروري وودي

منووورين بيض الله وجيهكم

وصح بدنكم

صح لسانك يا أبو نوار وصح لسان خالك بندر وقصائد رائعه جداً سلمت وسلم نبضك الرائع

صح لسانك اخوي عبدالله ولاهنت وصح لسانك خالك بندر لاهنتو ولكم جزيل الشكر