قصة السبيعي والدوسري في ضواحي رماح

تجاور كل من عبيد الخييلى الدوسرى و دحيم بن عبد الله بن برمان العزيزي السبيعي وقد كانوا في ضواحي رماح ، واخذوا وقت طويل وهم جيران على حشمه وتقدير وبعد فتره قتل ولد عبيد الدوسرى ولد دحيم بن برمان من غير عمد بطريقة الخطأ ثم جاب الدوسرى ولده لأبن برمان وقال :هذا ولدي إذا اردت قتله اقتله ، وقال بن برمان : والله ماني مخلي مرة جاري تبكي مثل مرتي واعتقه لوجه الله ولا يستغرب الطيب من الطيبين وقال الخييلي الدوسرى هذه القصيده رد ثناء على جارهـ :-

ياراكـب هجـن مراديـم وسـمـان
عيـرات الانضـا مايرقـع حفـاهـا

ياراكبين الهجـن نصوهـن اعمـان
ومروا على رفحا وروحـوا وراهـا

في كل ديره جـددوا لابـن برمـان
قصر مـن البيضـا رفيعـن ابناهـا

ثم اجنبوا مـن عندكـم يـم نجـران
دار المذاكـر دوجـوا فـي اقراهـا

حطوا له البيضا علـى راس مابـان
راع الفعـول اللـي طـرى نبـاهـا

ومروا على الخرمه وحطوا به اعلان
اعلان بيضا كـل مـن جـا قراهـا

ونصوهن الحاير عسـى دربكـم زان
ديـرة سبيـع امتيهيـن اقصـراهـا

وابنوا بدار سبيع بيضـا لهـا شـان
مـن مـر ديرتهـم يشوقـه ابناهـا

يالله عسى ديرة دحيـم بـن برمـان
لاجا سحاب الوسـم يسقـي جباهـا

اللي عطا جاره عطا مـا بعـد كـان
يبغي الجزاء من عند رافـع سماهـا

ماهيب لا غرس ولا ابل ولا ضـان
ولا عطـا دنيـا ايــدور جـزاهـا

يبغي العلوم الطيبه مثـل مـا كـان
قصيرتـه عطيـت ولدهـا وجاهـا

يافاعل الحسنـا جـزاك الله احسـان
فعلت لك حسنـا علـى الله جزاهـا


ــــــــــــــــــــــــــــــــــــــــــــــــــ




.. مثال رائع للطيبه والتسامح وحسن الجوار

مثال رائع للطيبه والتسامح وحسن الجوار

يعطيك العافية الهمور

بيض الله وجيههم أثنينهم فهذا سلايل الغلباء والأخر ولد زايد واللي أدوا جارهم من جدارهم

ولكن لي ملاحظة على القصة !!! ما دام القتل بطريقة الخطاء فلماذا يقود الدوسري في أبن السبيعي ؟؟؟ فالدين الإسلامي لا يوجب عليه القصاص وعادات القبائل أيضاً لا تحتم اخذ القصاص بل الديه فلماذا هذه القصه؟؟

ولكنني أعتقد بان السالفة غير ذلك وأن أبن الدوسري قتل السبيعي في هوشة بينهما لذلك كان واجباً اخذ القصاص .

أبن مصاول

اخوي الهمور شكرا على القصه والقصيده

لاهنت

مشكور أخوي
الهمور
على الموضوع
شـكــ وبارك الله فيك ـــرا لك ... لك مني أجمل تحية .
وتقبل مروري