بسم الله الرحمن الرحيم
السلام عليكم ورحمة الله وبركاته
عجوز تركها ابنها في دار رعاية المسنين
وهجرها المسكينة ...... لا سؤال ولا زيارة
فجادت قريحتها بهذه الأبيات التي تبكي القلوب قبل العيون
تقول الأم المكلومة لابنها حمدان الله ياخذه
يا مسندي قلبي على الدوم يطريك *** ما غبت عن عيني وطيفك سمايا
هذه ثلاث سنين والعين تبكيك *** ماشفت زولك زاير يا ضنايا
تذكر حياتي يوم أشيلك وأداويك *** والاعبك دايم وتمشي ورايا
ترقد على صوتي وحضني يدفيك *** ماغيرك أحد ساكن في حشايا
ياما رحت أسهر بقربك وأداريك *** ما ذوق طعم النوم صبحي ومسايا
ياما عطيتك من حناني وابعطيك *** تكبر وتكبر بالعمل يا منايا
لكن خسارة بعتني اليوم وش فيك *** واخلصت للزوجه وأنا لي شقايا
أنا أدري إنها قاسيه وما تخليك *** قالت عجوزك ما أبيها معايا
وخليتني وسط المصحه وأنا أرجيك *** هذا جزاء المعروف وهذا جزايا
ياليتني خدامه بين أياديك *** مشان أشوفك كل يوم برضايا
مشكور ياوليدي وتشكر مساعيك *** وأدعيلك الله دايم بالهدايا
حمدان يا حمدان أمك توصيك *** أخاف وأنت الحق تشوف الوصايا
أوصيت دكتور المصحه بيعطيك *** رسالتي وحروفها من بكايا
وإن مت لاتبخل عليّ بدعاويك *** وأطلب لي الغفران وهذا رجايا
أمطر تراب القبر بدموع عينيك *** ماعاد ينفعك الندم والنعايا
في الحقيقة هذا البيت أدمى قلبي
ياليتني خدامه بين أياديك *** مشان أشوفك كل يوم برضايا
الله يرزقني وإياكم بر والدينا وما يغادرون الدنيا
إلا وهم راضين كل الرضا عنا يا رب