قصيدة نبطية للشيخ- لفاء ابن صحران

في ماضي ياعين طرش وعبيدي
واليوم في قصرطويل معداه
ياما طرحتي من عياد وفريدي
يوم ولد اللاش قاصرت أخطاه
ياعلي ولم فوق فرت جديدي
ولم عليه وصل العلم منهاه
يقطع سهاسيه الرقاق البعيدي
وأسلم وسلملي على من تنصاه
سلم على ربع منايه وعيدي
من خص عني علمه لاتعداه
عهدي بهم فأيام وقت الشديدي
والبيت مبني والمساير تنصاه
غزالله أنه ريف قلبي وعيدي
نتلي لنا ذود بعيد معشاه
يازينها وأن نوهوبالشديدي
من رأي شيخ صامل العلم ينصاه
تقللوا يبون دار بعيدي
يبون فيها طايل العشب نرعاه
يبون دار فيه عشب وثريدي
يازين بني البيت ياعلي زيناه
وأن قلطوا نجرا وزين الحديدي
ودنوه لين المساير تنصاه
وأن صاح صياح الضحى من بعيدي
ركبو على قحص المهار المغداه
لحقوا طلبهم في ديار بعيدي
ردوه يوم ادهم الجيش يشعاه
يالله يامحي الديار الهميدي
يالله يااللي كل الأمات تنخاه
تجعل من المنشي خيال سديدي
أباه يمطر لي على الذيب وأقصاه
ياحيف ليت العمر دايم جديدي
لكن مني واصل تيم العمر منهاه
وأناأحمد الله ساكن بيتا جديدي
عسى ردي الحال ياعلي يفداه
وعندي أبوفواز دايم حديدي
أرجي عسى سو المنايا تعداه
بقلم --غريب الحوراء

صح لسان الشاعر لفاء ابن صحران على القصيدة.ولاهنت اخوي غريب الحوراءعلى النقل

صح لسان الشاعر لفاء ابن صحران على القصيدة.ولاهنت اخوي غريب الحوراءعلى النقل
وانتظار قصايد أخرى للمرحوم لفاء ابن صحران

الشكر كل الشكر لمرورك أبوراكان

العفو أخوي عيد المطيري والله لايهينك ونحن في خدمتكم وتفبل فائق احترامي وتقديري