اقرب ياعلي

ياكبر الخطيه وشهدو ياجماهير=عيون العقيلي لايسبب عماها
حصاتن من الحره تبا تقلع النير=تبا تبطي الحره ويبطي حصاها

ياشين العيون الي تمد النواضير=تشاهد خطا العالم ماشافت خطاها
نشيل السيوف ولا نشيل الصواطير=وندمح خطى حمر النضر من غلاها

الله...الله ما اجمل المحاورة عندما تأتي ذات معنى ....

صح لسان الشاعر " مجري خضر " ,,,وصح لسآن الشاعر " علي الدجيما " على المحاورة الجميلة ..


الله يعطيكم العافية ..

صحت إلسنتكم والله يعطيكم العافيه

المحاورة بتاريخ30/5/1431هـ

مجري خضر
سلامي سلام(ن)لرجال المناعيـر=رجال(ن)مغن الطيب داخل حماها
تحيزم لها ياعلي وفلح على خير=ياكم نفس ماتت ماحصل مبتغاها

علي حميدان
هلا مرحبا ترحيبتن شانها غير=ليا قلتها عيب اتحسف علاهـا
الايامجري قبل صرف الفواتير=نكرم شواربنا وتكـرم لحاهـا

مجري خضر
يدوم البقا والمجمعه ماهي اسدير=وثنتين فالميدان وختـر حداهـا
تبى العذر لاكن ماتفيد المعاذير=عن الكلمه الي وجهها في قفهـا

علي حميدان
انا هيبتي تغلب على هيبـه الزيـر=اضيق صدور القوم والعـن ثواهـا
وشنته علشان اعتذر خير ياطير=تبيلك علوم(ن) منت فـي مستواهـا

مجري خضر
علامك تطف النور ياتوني ابلير=وقدمك رياجيلن بعيـدن مداهـا
مكسر بيوتك ياحمر العين تكسير=تحاول تعشا القوم ونتـه غدهـا

علي حميدان
لو انك تعز مطير ما تنكـب مطيـر=عسى الله يعوض امك ويصلح ضناها
ليا صابتك حمى انفلونزا الخنازيـر=تموت الاطبـاء ماتحصـل دواهـا

مجري خضر
انا مانكب المطران يانافخ الكيـر=بعد بندقك ماثورت فـي خباهـا
جنون البقر لاجا بروس الشواعير=يخلي عيون الشعر تنضر وراها


علي حميدان
ياكبر الخطيه وشهدو ياجماهير=عيون العقيلي لايسبب عماهـا
حصاتن من الحره تبا تقلع النير=تبا تبطي الحره ويبطي حصاها

مجري خضر
ياشين العيون الي تمـد النواضيـر=تشاهد خطا العالم ماشافت خطاهـا
نشيل السيوف ولا نشيل الصواطير=وندمح خطى حمر النضر من غلاها

شعارائنا أبو حسين ومجري خضر
محاوره جميله ويعطيكم العافيه والشكر لمنسق المحاوره أبوراكان

صح لسان الشاعرين

علي حميدان الدجيما [الـــبــــحــــر]

مجري خضر

محاوره جداً قويه واتمنى لكم التوفيق دائماً وأبداً