عـامك جديد وكل ما أناظر العام= أذكر قديم الشعر وأذكر جديدك
تستقبل أوراقـك وتنزف لك أقـلام= ويـمـوت في حبك بقـايـا رصيدك
في ملعبك ما سجلوا حـرف وأرقام= ومن هيبتك يصغر أمـامـك ضديدك
شاعر وشعار الـوطن مثل الأهـرام= مـبـدع وحـرف السين دايم عضيدك
تفخر بك حـروف القصايد والأنغام= ويفخر بك المـيـقـاف لأنه حفيدك
سافر على القمة مع الـمجد قدام= وبـل العروق الظـامية من قصيدك
يا حـر وبصحراء هوى خاطري حـام= لـيت الحمامة لا صفا الـجو صيدك
في كفك الأيـمـن كـوابيس وأحـلام= وفي كفك الأيـسـر دفـا من وريدك
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي
قالوا من انت وقلت من عزوة مطير=اهل الثلاث النادرات العجيبه
قالوا من أي وقلت شباعة الطير=آلاد عباد الفخر والمصيبه
قالوا من أي وقلت غصابة الغير=آلاد عون مطلقين الغريبه
قالوا من أي وقلت كسابة الخير=ميزان فكاكة سجونن صليبه