ـبـارحة شفـتك بنومي وفـزيـت=احـرمـتـني نومي عسى الله يحرمك
مـانـي سعيد بـطلتك يـوم طـليت=فزيـت مـن نومي علشان اخـاصمك
اصـبحت لاجلك شاعر(ن)ذايع الصيت=عـلمتني وانا احسب اني معلمك
الـشـطر لاقـلتــه يعادل مية بيت=ابـنـيـك لاحـبيت وارفعك واهدمك
شـعـري ليا مني فـتلـته وغنـيت=يـحـكـم مية عـذرا سواتك ويحكمك
الـشـعر لتفرغت لـه زين واصغيت=والله لو تبـغـيني ارسمك لرسمك
صـوره عـلى بسمة تكـبر وتوقيت=وكـبّـر الـصوره بعيني واعـظّمك
لـكـن اذا صـابك غـرور وتعاليت=اغـيـر الـصـوره بصوره واحطّمك
جيت اكسبك بالشعر والمدح وازريـت=ازريـت لافهّهـّمك وازريت لاافهّمك
عـلـى الاقـل الـيا مدحتك وكفـيت=ردي عـلـي وقـولـي اللـه يسلمك
اسـف احبك بــس كابرت واخفيت=والـصـدق انـا ماكنت ناوي اعلمك